風月堂 (已結業)

佐敦佑宁堂附近开左间新的风月堂, 听讲呢间日西式餐厅在香港都已经好多年, 而家见到有早餐供应, 每次行过都心郁郁想入去试下, 不过又觉得有D贵。有一日卒之想豪一下, 就入左去试下。早餐有两个选择, 有传统英式早餐, 包括猪肉肠, 烟肉, 火腿, 薯饼, 双蛋同埋焗豆; 另外有一个鲜菌奄列早餐, 配薯饼及杂菜, 鲜菌可以转火腿或者烟肉。睇落好吸引, 最后都拣左英式早餐, 原来可以转炒蛋。个早餐D食物都OK, 因都系买番来, 不过个炒蛋, 好有惊喜, 个蛋炒得好香好滑,一D都唔湿, 比起同区另一间有很多自由行排队的长龙餐厅, 一D都唔逊色。整体都算合格, D侍应服务都唔错, 虽然价钱好似贵D, 但系都值得比好多分的餐厅。下次有机会再来时, 就试下个奄列早餐。