風月堂 (已結業)

This place is very expensive for the quality and service. The portion is very small and it won't fill a normal person. The staff are not too helping as if there's no service at all. The food wasn't that good either speaking u are paying over a hundred for a lunch it's just very pricey.

同一班同事成日周圍搵食, 大家都知, 番工已經好苦悶, 要食好嘢去平衡番, 工作先有動力. 今日同同事去食風月堂, 嘩! 一次比一次貴, 加價仲密過麥當勞, 所有嘢好似海鮮價咁, 鍾意加價就加價, 一個lunch要過百, OK, 無問題, 性價比相等就可以, 我地叫左牛脷飯同大蝦帶子意大利飯, 牛脷飯買相係零, 個汁用左好多茄膏, 點解唔可以一塊塊排好, 個汁伴側邊, 好難咩? 冇心去做; 大蝦帶子意大利飯, 大蝦有D梅, 雪藏料, 帶子裙邊帶黑, 我唔夠膽食呀, D伴菜亂咁放, 你真的諗住收呢個價錢, 殺得一個客得一個呀? 最後甜品仲要加價先有, 大佬呀, 過百蚊一個lunch, 咩都無, 質無量又無, 點回頭呀! 同事已經決定black list, 無下次

天氣回暖,今日老友約我去shopping換季, 由尖沙咀行到佐敦, 已兩點幾鐘, 想找個地方休息醫醫肚.  想起以前去過旺角風月堂, 食物相當唔錯, 於是走到佐敦分店, 鬥口擺著High Tea Set相好吸引, 好想試試.入到餐廳服務員即招呼我們坐好, 奉上暖水和餐牌, 並介紹最新下午茶出品High Tea Set, 現只要上網讚好並影相放上 facebook就可亨九折優惠 , 我們於是就叫了一set+UCC咖啡, 咖啡先到, 味道保持一貫好飲.  High Tea Set 包括有咸點和甜點, 賣相好吸引, 先吃天婦羅蝦,  外脆內滑, 三文魚多士配搭好好, 上層甜點有木糠布甸, 雪糕寓夫三文治及香焦紅豆卷........樣樣都好合口味!

前幾日約了幾位朋友聚聚，去了這間餐廳晚飯，一睇餐牌好多種類，除食物外酒類飲品都很多選擇，我哋order咗好幾樣食品有扒、意粉、 pizza，儘開了兩支紅酒及白酒，這兩支酒好好飲。這晚我咃都聚了好幾個鐘，啲服務員態度都好好，還介紹我們食甜品，後來又得知午餐同平日High Tea post 上 facebook share 出去，會有甜品或折扣優惠添，到埋單時有Citibank 咭儘有九折喎，儘有張印花咭送添，$50有一個印花，累積會有免費甜品食又會有$50及$100折扣添所以啲朋友話幾時再約嚟食。正

第一次寫食評，因餐廳真的超好服務。和朋友聚會最難找到一間好坐又唔趕客的餐廳，由6:30pm坐到10:30pm, 環境十分舒適，食物味道一流，甜品款式又多，更不介意我們是happy share, 匙羹刀叉筷子通通大量供給，侍應經常主動加水及推介美食，但絕不hard sell, 令我們一班好友度過美好的一晚。埋單還發現有獎賞卡，每消費$50便獲印花一個， 下次再來就能換領免費美食或現金折扣，超開心，所以必定再來。

今日同朋友約左去佐敦食飯，其實本身唔知食咩好，一出地鐵站竟然俾我地見到對面有間風月堂，環境望落好舒服，大家決定入去試一試。我地一行六人order左2份 set Dinner，包括( 燒法式牛柳伴鵝肝多士配燒汁 ，鮮露筍帶子紫蘇醬天使麵伴煙三文魚)。2份廚師推介食物，(鮮蕃茄菠菜焗千層麵，8oz 美國肉眼)。先講2份set Dinner 係其中兩個朋友話一定要order，原因係佢地杯跟餐咖啡講到明係UCC咖啡，朋友試過話真係沖得好好，好香，重話尼重咖啡味道係香港好少地方飲到。而個牛柳鵝肝多士同帶子紫蘇醬天使煙三文魚 個醬汁好特別好好味。另外個千層麵真係值得一讚波菜、蕃茄同個麵係一層一層咁疊上去，食落味道非常之夾，真係唔錯。而個肉眼我地叫了七成熟，上菜時啱啱好，肉質好林非常JUICY加埋D配菜真係冇得頂!!!!!!  食完己經好滿足!侍應再推介我地試過甜品Apple Crumble!!食完之後大大滿足!!埋單每人都只係百幾蚊，食滿$350用Citibank咭找數重有拆添，抵呀！一定會再約朋友嚟食

昨晚同朋友一齊去食飯，就想起風月堂，可能換咗廚房，出品又快又有水準，比起之前快咗好多，食飽後埋單又有驚喜，原來食滿每$50就有印仔吸印仔玩，今晚食咗$7xx ，下次就有出名的甜品送😋😋😋，真係好低食，因為風月堂甜品一向都好出名，另外原來今日才剛剛推出的Sunday Special 係好好食嘅安格斯牛扒，連餐湯及餐飲都係$188，所以決定下次再約朋友一齊去再食過，順便攞D優惠甜品。

風月堂出了新的廚師推介，我同幾個朋友一起去食DINNER，每人叫了一個扒來食... 美國安格斯穀飼肉眼扒非常好食... 好JUICY...  另一個叫美國黑安格斯西冷扒亦是味道非好...  D 配菜都好健康，個侍應話個薯蓉係用新鮮薯仔同菜油整出來的... 食落真係好食，又唔膩... 真係要俾個LIKE 個廚師了...呢度比起其他食扒的地方好食，又健康... 仲有個千層麵，好CREAMMY... 又有波菜... 埋單每人只係二百幾蚊，而家仲要有優惠卡派... 下次再去食其他餸...

酒水特別貴餐也貴還要收加一呢人地酒買一送一，距就第二杯半價，淨係酒都百幾蚊lo不過最後同朋友仔點左個抹茶雪梨批，感覺不錯，很新穎有湊巧合拍的組合，清新得黎有抹茶香，值得一試

以前讀書時經常去吃風月堂，之後相繼倒閉後便沒有再去，最近得知佐敦有一間，老友飯局今晚就去回顧一下。裝修風格沒什麼大改變，跟以前一樣也是西洋風。星期二的晚上8時左右來到不用等位。照燒羊鞍：肉質燒得剛好不會太韌， 而且沒有羶味，襯紅酒汁簡直prefect帶子黑松露意大利飯：黑松露味道十分濃，飯煮到淋淋地好好咬口，加上帶子肉質鮮甜，煎到外脆內軟，非常有水準的一道菜。紐西蘭牛柳：很難得叫7成熟真的有7成熟，大廚把火喉控制得好。牛味香濃，配黑椒汁辣辣地夠曬惹味

今晚同老婆大人二人世界，老婆話要食西餐，我靜靜雞book左位，叫佢係佐敦等帶佢去食風月堂。以前風月堂都幾多分店，但執下一間，執下又一間，好彩仲有呢間！拿破崙雞肉意粉沙律配蜆肉脆湯包個汁甜甜地幾開胃，食落覺得似茄汁，除左雞肉之外仲有少量火腿無咁dry。個脆湯包幾特別，個包好似奶油豬脆脆地，湯好濃味，類似忌廉湯，蜆肉分量多，我比70分。燒牛舌平時食開薄薄的放題燒牛舌，好耐無食過厚的汁煮牛舌，牛舌爽口，咬落唔un，啲肉一絲一絲咁，個汁也調得好，燒汁的味道，咸咸地。我比70分。紫蘿蘭蘋果茶只能夠說Set杯好靚好有英式茶的感覺。蘋果味唔重，係淡淡清甜的蘋果味，至於紫蘿蘭？對不起，我聞到的是薰衣草味整杯茶都是苦苦澀澀的，需要加蜜糖先飲到，我比50分。甜品時間到了，老婆揀左雪糕串燒，三球雪糕用棒穿住挺特別的。士多啤梨味雪糕好味，香濃士多啤梨味。雪糕稍為凍左啲，一入口冰冰地，要等一陣先食到，賣相100分吧！

記得風月堂以前於旺角開了三層，再於銅鑼灣開了分店。現在搬了到佐敦。風月堂甜品選擇多。但因下午不想吃太飽，今次只光顧午餐套餐。牛油餐包跟餐的，牛油餐包並不差，因它是熱及軟的。燒香草雞扒配鮮雜菜炒飯伴煎蛋--HKD108nomnom指數(5最高分):煎蛋比較求其，因每一檯的蛋不一樣的。我們的便是一隻熟但爛了蛋黃的；雞扒屬正常的，不'鞋'。香草味不重，算是有味吧；小量菜碎跟飯炒在一起。黑松茸菠菜三文魚忌廉意粉nomnom指數(5最高分):呢一個是給意粉的。先講醬汁，黑松茸沒有問題，菠菜未免太少了，因只看到有點菠菜碎。忌廉汁有點溜，但意粉的味道是可以接受的；但三文魚它是熟的，但太太太熟！味道是白灼，等同如在吃水灼的老老三文魚希望廚師只是一時失手吧！芝麻雪糕伴窩夫其實風月堂的甜品是比它的主食好。它的芝麻雪糕有濃郁既芝麻味；窩夫很新鮮，熱熱的，很脆，很快便與雪糕溶在一起。雖然不可說十分好吃，但以送的甜品來說也不錯。

第一次食到火都嚟要我第一時間上openrice入去時已經唔fullOrder 等咗20分鐘，追佢，佢話係耐啲Ok我等，跟住覆我幾分鐘就得又等幾分鐘，嚟到，望落賣相ok點知，食落去，除咗個包硬之外其實塊牛肉係出緊煙嘅但其就其在麵包、隻蛋、同煙肉都係同啲菜一樣凍冰冰塊牛食咗幾分鐘都仲出煙，可想而知其實係無肉汁嘅因為好肚餓，我都食多咗兩口，不過食到一半真係食唔落叫經理過嚟，佢雖然話煮過比我但我那刻真係好唔開心你出得咁慢要我等咁耐比啲咁嘅質素嘢我我肯定我去食麥記都覺得好味啲薯條都無仔咁凍啦所以我拒絕咗經理的好意因為我對這間餐廳無晒信心唔好意思，我到依家都仲係好嬲

喺人地屋企hea左幾個鐘，原本唸住去Starbucks飲杯野但有人話連多一條街都唔想行，所以就去左斜對面嘅風月堂，記得多年前幫襯過旺角個間熱朱古力做到好滑嘅 但今日我地要食雪糕，因為朋友遲d駝b就唔會再食了芒果parfait 5點幾li個鑑介時間無咩人，dessert好快送黎, 同menu一梯都係有朵芒果花喺球芒果雪糕上面，食左d芒果肉同雪糕之後就係勁邪惡嘅cream，最底層係芒果醬撈奇異果同士多啤梨粒，同埋有栗米片墊底，pit走左d cream，就咁食芒果味撈奇異果都好夾布甸夾餅船 第一時間以為應該趁熱食個3塊waffle，原來唔係熱的係有別於一般嘅waffle，好林但唔un個隻，個布甸好滑好震騰騰！美中不足就係但雪糕球好似細舊左小小啊，而伴碟嘅生果粒同切片蜜瓜都好新鮮～加左幾次水，就去食雞煲，原來埋單要自己出去埋的

適逢週末， 欲與友人相聚。 誰知kuc space週六關門，唯有選擇附近的餐廳。由於當天下雨，我倆只走了一會便隨意選擇了風月堂。本人點了一客公司三文治，配料還好，有火腿 、雞肉、青瓜 、蛋、 番茄等。碟子中央還有少量的薯角，表面灑上粗鹽，吃落像普通冰藏薯角。用料一般，卻盛惠98 元，價錢還比銅鑼灣pub food還要貴！相反Lunch set 價錢較相宜。友人點了lunch set (set A), 同樣是9８元，包括 餐湯、小蛋糕、主菜(意粉)、甜點(窩夫及雪糕)和飲品。 但是友人說蛋糕味道怪異，只吃了一半。白汁大蝦蘑菇煙肉意粉分量適中，色澤、味道像DeliFrance的, 上碟時色澤暗淡，略『水』，犯下了弄carbonara的最大錯誤。整體而言，食物水準只屬一般。(本人已沒有意欲拍下食物照片)服務態度的方面，風月堂亦有很大的進步空間。服務員多次上錯菜，不停地打斷我們的對話，讓人感覺他們連餐廳的餐桌也不能牢牢記住。另外，我替友人詢問雪糕口味時，一位雙手拿著東西的服務員向我走來，微笑一下，然後趕快的走了。仔細一看，哦，她拿的是她的背包，原來她趕著下班。 我明白準時下班的重要性，但難道她