影片
更多
2024-09-05
619 浏览
一直以嚟觉得泰国嘢应该就系抵食夹大件嘅代表队，如果要同精致扯上关系，我唔排除都好食，但系应该会变成唔够饱。最近我重新反思咗呢个想法，人嘅饱感系发生喺进食之后嘅一段时间，所以有阵时太肚饿，食得太多，最后会撑住好辛苦。适当嘅咀嚼，就会令人比较容易产生饱感，又唔会进食过量，最紧要系可以有充份时间品尝美食。 🍖呢间泰菜真系好精致。由第一味嘅红砖豆腐开始已经有呢个感觉。好多铺头都可以做到豆腐外脆内嫩，但系之后俾个酱你去点，搞到个皮湿润翻，呢个厉害之处就系外皮都做埋调色同调味，变成有辣味嘅红菜头外皮，清新得嚟带点刺激。放喺一大堆香料上边，摆盘更加一流。 🍖冬阴功汤叫做摩登冬阴功，同传统一样，都系以辣汤底为主，配合各种海鲜。不过坊间好多时候汤底会因为师傅要平衡辣同咸，变到两样都越加越多，最后就覆盖咗海鲜嘅味道。而呢度用嚟平衡辣味，反而系用咗蕃茄汤，咁样颜色不但唔会有太大影响，而且透过鲜甜嘅蕃茄汤引出辣同埋咸嘅特点。所以呢个汤，辣辣地，但又鲜甜十足。 🍖串烧我拣咗牛肉，细细盘但其实份量适中，佢个沙爹酱系俾你自己点，份量比坊间相对杰身同浓郁，而且入边有花生碎，加添沙嗲嘅风味。牛肉就算系厚切，但系肉质都非
🍖呢间泰菜真系好精致。由第一味嘅红砖豆腐开始已经有呢个感觉。好多铺头都可以做到豆腐外脆内嫩，但系之后俾个酱你去点，搞到个皮湿润翻，呢个厉害之处就系外皮都做埋调色同调味，变成有辣味嘅红菜头外皮，清新得嚟带点刺激。放喺一大堆香料上边，摆盘更加一流。
🍖冬阴功汤叫做摩登冬阴功，同传统一样，都系以辣汤底为主，配合各种海鲜。不过坊间好多时候汤底会因为师傅要平衡辣同咸，变到两样都越加越多，最后就覆盖咗海鲜嘅味道。而呢度用嚟平衡辣味，反而系用咗蕃茄汤，咁样颜色不但唔会有太大影响，而且透过鲜甜嘅蕃茄汤引出辣同埋咸嘅特点。所以呢个汤，辣辣地，但又鲜甜十足。
🍖串烧我拣咗牛肉，细细盘但其实份量适中，佢个沙爹酱系俾你自己点，份量比坊间相对杰身同浓郁，而且入边有花生碎，加添沙嗲嘅风味。牛肉就算系厚切，但系肉质都非常软滑。
🍖以上都非常精致， 可以慢慢细味。不过最终啲碳水，都系大大碟先好feel。菠萝炒饭，超劲足料，劲多菠萝，劲多腰果，劲多肉松，劲多海鲜，劲多饭，而最紧要系有腊肠，增加个饭嘅口感同埋油香。至于个芒果糯米饭，糯米同芒果都选择得好好，香甜好味。而有别于一般会用椰浆，佢直接用咗芒果雪糕做个汁，咁样就可以又食到雪糕嘅口味，又做到汁酱嘅效果。而麦皮虾我亦都将佢界为碳水，啲虾劲大只劲爽，配合埋黄金虾嘅做法同埋覆盖满满嘅麦皮，齿颊留香。
张贴
