影片
更多
2023-12-08
117 浏览
之前睇过报道话启德Airside有好多新餐厅，但开幕时人太多唔敢嚟，热潮过后人潮减退，终于有机会嚟试下了。朋友想慢慢坐食下点心，最终拣咗「岚月」。餐厅环境宽敞，枱同枱之间唔会好迫，仲有大玻璃窗，可以一边欣赏窗外风景一边叹茶。入座后当然要先拣茶，呢度有八款茶可以选择，由最普遍嘅普洱、香片到较为罕见嘅金骏眉都有。茶上枱后都会用慢火坐住，而每次refill都会直接加茶，确保茶嘅温度同浓度都可以保持。橘子流沙包 :平时都系食开奶黄流沙包，橘子流沙包都系第一次试，柑橘造型嘅流沙包卖相好吸睛，散发出阵阵柑香味，入口相当松软，味道甘甘甜甜，食落无奶黄包咁腻。胡椒龙虾汤饺 :胡椒汤同饺子分开装，客人可以依自己喜好加适量嘅汤汁；龙虾饺大大只，馅料相当丰富，加汤时已经闻到浓烈嘅胡椒香味，入口味道微辣，更能提升汤饺嘅鲜味。岚月西班牙黑豚叉烧 :呢个叉烧系餐厅招牌菜之一，见到好多枱都有叫，虽然价钱唔平，但都想试下。上台时已经见到叉烧色泽好靓，每一件都系厚切，肥瘦适中，肉质好松软，咬落好多肉汁，加埋秘制蜜汁，甜甜地好惹味，$298绝对物有所值。柑柚黑鳕鱼 :卖相相当精致，骤眼望落去完全唔知系鳕鱼，微煎过嘅鳕鱼外
餐厅环境宽敞，枱同枱之间唔会好迫，仲有大玻璃窗，可以一边欣赏窗外风景一边叹茶。
入座后当然要先拣茶，呢度有八款茶可以选择，由最普遍嘅普洱、香片到较为罕见嘅金骏眉都有。茶上枱后都会用慢火坐住，而每次refill都会直接加茶，确保茶嘅温度同浓度都可以保持。
橘子流沙包 :
平时都系食开奶黄流沙包，橘子流沙包都系第一次试，柑橘造型嘅流沙包卖相好吸睛，散发出阵阵柑香味，入口相当松软，味道甘甘甜甜，食落无奶黄包咁腻。
胡椒龙虾汤饺 :
胡椒汤同饺子分开装，客人可以依自己喜好加适量嘅汤汁；龙虾饺大大只，馅料相当丰富，加汤时已经闻到浓烈嘅胡椒香味，入口味道微辣，更能提升汤饺嘅鲜味。
岚月西班牙黑豚叉烧 :
呢个叉烧系餐厅招牌菜之一，见到好多枱都有叫，虽然价钱唔平，但都想试下。
上台时已经见到叉烧色泽好靓，每一件都系厚切，肥瘦适中，肉质好松软，咬落好多肉汁，加埋秘制蜜汁，甜甜地好惹味，$298绝对物有所值。
柑柚黑鳕鱼 :
卖相相当精致，骤眼望落去完全唔知系鳕鱼，微煎过嘅鳕鱼外皮香脆，内里鱼肉保持鲜嫩，柑柚汁味道酸酸甜甜，食落十分开胃。
张贴
