16 Shell (已結業)

朋友話食過一間有好多名星幫襯過嘅餐廳，話好多食物都唔錯，而且部分菜式係由謝霆鋒設計，我又未試過喎，於是佢就約我呢晚放工一齊去開餐。黑炭黑蒜蓉包，呢款包食落外層香脆得嚟，裡面又保持濕潤，加上蒜蓉去焗，好開胃! 白酒橄欖牛油煮蜆，蜆肉肥美嫩滑，汁醬好鮮味，加埋檸檬汁，食落更清新。檸檬牛油焗海爐魚，爐魚肉又嫩又鮮，上面鋪咗啲醃料，香得嚟酸酸哋，令整體味道更有層次，帶子爽滑，蝦肉彈牙，露筍清甜，薯條剛好更吸晒所有鮮味，好食! 大蝦燴意大利飯嘅大蝦結實彈牙，意大利飯煮得剛剛好，唔會太軟或太硬，醬汁剛好包住啲飯粒，濕濕哋食到芝士味，好正! 朋友叫了朱古力，味道香濃，而我就點了檸檬茶，可以消膩，為呢餐畫上完美句號。