升哥點心 (已結業)

朋友住喺元朗几十年， 最近话试过有间新开嘅点心店唔错， 于是呢日就约咗我去一齐食点心。西洋菜南北杏炖猪肺呢款汤水好清润， 猪肺洗得好干净， 加埋西洋菜， 成个汤都好甜。笼仔咸鱼肉饼饭咸鱼用咗梅香咸鱼， 肉饼结实得来有咬口，唔会系死实实咁， 咸鱼夹埋肉饼一齐食， 两者鲜味更为突出， 由于米饭系用蒸笼蒸出来嘅缘故， 食落比较有口感。升哥虾饺皇虾饺嘅外皮晶莹烟韧， 虾肉弹牙大粒， 加上少少笋丝同肥肉粒， 食落更加香口，好正! 原只虾烧卖烧卖嘅猪肉应该系手切嘅新鲜猪肉， 咬落比较有口感， 加上冬菇粒爽口，香味浓郁，面头舖有一层弹口嘅虾胶，大爱! XO酱菜苗饺菜苗饺用嘅菜苗新鲜爽脆，加埋少少虾肉，用蒜蓉炒过，已经好好味，再加上香辣嘅XO酱，就更惹味。潮州蒸粉果粉果外皮烟韧， 馅料清新爽口， 配上辣椒油同吃，味道更突出。招牌流沙包流沙包面有不同表情图案，增添一分趣味， 流沙包一咬落去有惊喜，里面嘅馅料系流动嘅，食到啖啖咸蛋黄香味，但整体唔会过甜。虽然餐厅系小店，但制作用心，点心水准好高，下次会再约朋友过去帮衬。