影片
更多
2024-12-06
73 浏览
和牛烧肉 • 纯📍加连威老道96号希尔顿大厦1楼3号舖临近圣诞，谂著请阿妈食餐好嘅，就book咗呢间嘅特选飞騨牛烧肉圣诞套餐，套餐价钱系$1580，本身觉得有啲肉赤，但系食到最后，觉得菜品嘅精致程度同用料，唔系单单以高价食材堆叠出嚟嘅，而系真系有设计过嘅Menu👍🏻系值呢个价嘅餐厅位于尖东，入面大多系包厢同卡位，几有私隐度，感觉好适合倾生意或约会，灯光亦唔会好似部分高级餐厅咁过份昏暗，影相都几靓🥰🥗 沙律一落座佢会上一个沙律先，呢个沙律令我期待感提高不少，佢系一啲炸过嘅萝卜丝捞酸甜酱汁，下面仲有啲生菜，非常香口但一啲都唔腻，好似食紧啲好香口嘅零食咁，停唔到口，好开胃🥗 刺身系𫠒红鱼同吞拿鱼刺身，切得好厚所以口感好好，食得出好新鲜好鲜甜，好正🥗 前菜拼盘三种拼盘会定时更换Menu，而且行精致路线，唔惊食太饱，今次嚟食嘅系一个寿喜烧和牛🥩海鲜茶碗蒸🥚鱿鱼条🦑寿喜烧和牛入面系日本蛋打成嘅蛋泡，和牛啱啱好熟，浸喺寿喜烧汁入面，入口系极致嘅绵滑香嫩，并且非常鲜甜，超好食！海线茶碗蒸入面有黑松露、带子、香菇，仲有啲元贝丝夹杂喺蛋入面，劲香劲滑劲鲜甜鱿鱼丝我一开始以为系薯条😂结果原来出面包𠮶层唔系炸
📍加连威老道96号希尔顿大厦1楼3号舖
临近圣诞，谂著请阿妈食餐好嘅，就book咗呢间嘅特选飞騨牛烧肉圣诞套餐，套餐价钱系$1580，本身觉得有啲肉赤，但系食到最后，觉得菜品嘅精致程度同用料，唔系单单以高价食材堆叠出嚟嘅，而系真系有设计过嘅Menu👍🏻系值呢个价嘅
餐厅位于尖东，入面大多系包厢同卡位，几有私隐度，感觉好适合倾生意或约会，灯光亦唔会好似部分高级餐厅咁过份昏暗，影相都几靓🥰
🥗 沙律
一落座佢会上一个沙律先，呢个沙律令我期待感提高不少，佢系一啲炸过嘅萝卜丝捞酸甜酱汁，下面仲有啲生菜，非常香口但一啲都唔腻，好似食紧啲好香口嘅零食咁，停唔到口，好开胃
🥗 刺身
系𫠒红鱼同吞拿鱼刺身，切得好厚所以口感好好，食得出好新鲜好鲜甜，好正
🥗 前菜拼盘三种
拼盘会定时更换Menu，而且行精致路线，唔惊食太饱，今次嚟食嘅系一个寿喜烧和牛🥩海鲜茶碗蒸🥚鱿鱼条🦑寿喜烧和牛入面系日本蛋打成嘅蛋泡，和牛啱啱好熟，浸喺寿喜烧汁入面，入口系极致嘅绵滑香嫩，并且非常鲜甜，超好食！
海线茶碗蒸入面有黑松露、带子、香菇，仲有啲元贝丝夹杂喺蛋入面，劲香劲滑劲鲜甜
鱿鱼丝我一开始以为系薯条😂结果原来出面包𠮶层唔系炸粉，而系酸酸甜甜嘅酱汁，都系偏开胃嘅小食，几欣赏
🥩 飞騨牛和牛拼盘
正餐系一个劲丰富嘅拼盘，侍应首先会帮你烧一个用菇同牛排肉整成嘅味噌烧，本来担心味噌会好浓味，或者菇嘅口感同和牛唔夹，结果味噌嘅味道咸咸甜甜，反而令块牛嘅油脂香更加突出，加上菇同牛一样一咬就断，口感上好夹，配埋葱嘅微微辛辣，钓开晒我地嘅胃口
之后都系自己烧嘅，侍应推荐我地食咗牛舌先，而豚肉味道比较重，所以最后先食😮
薄切牛舌好脆弹，口感好好👍🏻
我最钟意飞騨牛排肉，油脂分布真系劲均匀，系我最钟意嘅肥瘦度，食入口几乎唔洗用牙，劲香...
肉眼就再肥少少，而且因为比较大块，食落再满足啲🥹
最后仲有个有调味嘅豚肉，带少少辛口嘅甜辣调味，有少少似叉烧嘅味道，非常惹味，建议最后食，因为可能会冚咗其他味道~
本身仲以为全部都系和牛，会食到好滞，结果因为提供咗几款调味，有盐、柠檬、烧汁，比较特别嘅系上面提到嘅味噌，我同阿妈最钟意味噌，比较特别同解腻
🍚 海鲜石锅饭
可能惊我地食唔饱😂虽然都几饱，最后嚟咗个石锅饭同蔬菜味噌汤，侍应会帮我地用蟹膏汁捞好，配料有带子、虾、鱿鱼🙂↕️饭焦劲出色，蟹膏汁劲香，调味好和谐，因为实在太香所以不知不觉地食晒😂食完捧住劲满足嘅肚出嚟，好幸福...
张贴
