籽樂廚房 (已結業)

今日约左个老朋友聚旧，专门揾间可以慢慢食野再倾下计既餐厅，选择左山林道呢间籽乐厨房。我同朋友2个人叫左2个set dinner, 一个主菜系BBQ烧原条西班牙黑毛猪肋骨，另一个系12oz安格斯肉眼扒。个set本身已包餐汤、面包、沙律、甜品同饮品，都几丰富。餐汤系南瓜浓汤，好浓滑，又香南瓜味，好味，而且加上蒜香包，味道更好。而沙律我要左烟三文鱼，朋友叫左密瓜配火腿，烟三文鱼配沙律十分开胃，适合食主菜前清新一下。轮左主菜，见到个猪肋骨真系大满足，足足有10条骨，系成只猪既肋骨都差不多比晒你，而且味道相当好，够淋，但食落仲有𡁻劲，劲好食。而朋友份牛排都好大块，佢比左啲我试，好有牛味，而且都好淋。最后系甜品我要左士多啤梨泡乎，而朋友系蓝莓芝士饼，细细份，刚刚好，因为食左主菜实在太饱。总结餐厅坐得舒服，食品水准好高，价钱都好合理，值得再来。