Stormies (已結業)

系YOHO MALL行街，一期地下入口见到呢间西餐厅，夜晚非常旺，而且星期一至四叫主菜有优惠，可以买一送一，一于搏下有冇位。咁啱有张吉枱，要个半钟后就交枱，我地快快趣就入座。前茶点咗慢煮八爪鱼沙律，好大碟。八爪鱼慢煮过后，非常柔软，沙律菜有唔少，又有平常都会有嘅橄榄、青瓜、干果，配埋甜辣嘅蜜糖芥末汁，好开胃。主菜点咗两款，第一款系鸡肉汉堡包。鸡肉爆多汁，中间仲有烟肉、车打芝士，口感好浓郁，配搭嘅薯条都好脆。第二款系烤猪助骨。一见淋咗咁多酱汁，仲惊会太咸或者油腻，但其实同猪助骨好夹。个烧烤汁系用健力士黑啤调制而成嘅，味道有d甜甜地。猪助骨特别松化，入口即融。见到隔离枱叫咗点品，卖相好靓，我地都想叫，不过时间有限，够钟交枱，下次有机会要再黎试下。