Banh mi pate (Vietnam Genuine)

营业中

休息中

今日过开嚟跑马地整啲嘢，顺便喺度食埋晚餐。上网睇话呢间系明星小店，好多艺人名人会嚟食，一于试下系咪咁正，顺便睇下会唔会见到明星。我自己叫咗个安格斯生牛肉汤河，佢牛肉嘅份量都唔少㗎。九层塔同埋青柠系另上嘅，想要酸啲定香啲都可以自己决定。而我自己觉得加咗青柠简直系画蛇点睛，青柠嘅酸带出咗个牛骨汤嘅甜，真系好开胃架。然后佢啲牛肉都真系靓嘢，因为喺其他食生牛肉河其实都好惊佢浸耐咗会过熟，然之后食落太老。但系因为呢个安格斯就算你见到佢变晒色都仲系好腍，牛味都够重。然后佢呢度仲有一个特色嘢，就系越式法包，佢真系原条法包俾晒你，食完呢个法包都真系好够饱。佢个包出边系超脆，原本已经听到隔篱枱食，好似食紧薯片咁，但系中间又够软熟。再加埋佢将所有配料都切做一条条，啱啱好每一啖都会食到唔同嘅配料，食落都有鹅肝酱嘅香味，同埋好多蔬菜丝，成件事好清新都好健康。另外仲有一样好特别嘅嘢就系佢个蛋白越南啤酒。佢系将一只蛋白打到起晒泡，见到啲铺系好浓密好幼滑，再加埋个啤酒底，饮落去好似奶盖咁都几得意。港岛区，以精致嘅越南菜嚟讲都差唔多系呢个价钱，而且佢个份量都好够。