盈圖

营业中

休息中

老公今日要去大角咀做嘢，得一个钟食饭，喺网上揾到呢间见大家话平靓正，上菜速度都好快。 随便嗌咗几样，真系好似大家话咁上菜速度好快。热辣辣嘅蒸包就系特别好食，嗌咗个黑金流沙包上手已经觉得好软熟，包面好似烫金嘅盈字，一啖咬落去啲馅就流晒出嚟，咸蛋味好香，沙沙地嘅口感，三两下食晒三个。烧卖好大粒，上面仲有只鲍鱼，卖相比起平时嘅烧卖吸引好多。鲍鱼爽口唔霉，猪肉都唔会滞或者好硬，两粒两个人食啱啱好。 小笼包入面满满嘅金黄色汤汁，皮仲好薄，夹起嚟皮都冇穿，师傅手势真系好犀利👍 一啖一只，啲汤汁喺口里面爆开，汤够哂浓郁有猪肉嘅香味，猪肉都嫩滑，一个人食晒一笼都唔会夸张。百花酿鱼肚蒸出嚟味道好清新，下面厚厚地嘅鱼肚处理得好干净，完全冇腥味，满满嘅鱼香味，值得推荐！