傳點心意 (已結業)

如果讲食点心，其实我最钟意都系大排档，记得以前同老豆一起去食叉烧包，以前因为虾饺贵，一般都系准点平D。后来点心我觉得都会谂起细个嘅时候。今日又同表妹来，表妹话唔可以食好多，最近减肥。香芋猪仔包，E个猪仔包真系纯属意外，完全因为隔离台点咗，表妹见到，又好靓啊！！！好得意啊，我又要点！！！！嘅压力下点嘅，我唔食。因为我觉得包都系叉烧包好味。牛肉球 $ 18，三粒，不过都好大粒，外面用腐皮包，里面牛肉好爽，有D胡椒味，唔系好多粉，无咩味精，好多牛肉嘅感觉。香辣金不换墨鱼仔，E个都系表妹点嘅，唔记得以前点心有E个品种添。墨鱼仔好爽，有D辣味，同我地去食寿司完全唔同口感，更加香，口感好爽滑。原只鲍鱼盏，钟头气，表妹见唔使自己埋单，食完又想点，好似我系暴发户甘，但系胜在鲍鱼盏都不错，精致得来又干净，又腍又滑，口感好正。D汁又渗出来好甘香。凉拌墨鱼仔，因为蒸墨鱼仔觉得口感好，又令我谂起寿司，干脆叫多个凉拌墨鱼仔，更加爽，加中华海草，甜甜哋，好似日本做法喔。仲有下次再来嘅，下次同老豆来食喇。