傳點心意 (已結業)

給相片欺騙了。Order左牛肉叉燒包蝦餃腸粉等等，除咗牛肉正常一點來，蝦餃完全係雪藏未，腸粉超厚皮，叉燒包的叉燒是梅的。餐具也十分油膩，有點不太潔淨的感覺。可能是不夠人手吧，坐低都等了10分鐘才有人來，希望下一次好點啦🤮🤮🤮🤮唯一好的就是當日我約了客人傾一點事，我們坐了三4小時他們都不會理會的，也會間中提我倒茶，很有自我空間的感覺。可是食物真的是太昂貴了吧很多酒樓比他便宜，品質高很多！！！

這土瓜灣小點心館，似乎已存在了好一陣子。不過通常被一排紅van遮擋了，除非走路經過，就會注意到它的存在。座位雖不多，侍應（應是老闆娘）很週到，岀品速度也能配合。侍應會注意到人客多的時候，主動調大空調，所以我們懷疑她是老闆娘。點心皮方面，首先注意到的是蝦餃皮。沒有市面一般的造得透明，一看以為造得比較厚，但原來不是，就只是沒那麼透明，剛蒸好夾起來也不黏，入口也不糊，很薄的皮，高手！餡料方面，蔬菜十分新鮮，蝦很彈口，大隻而有蝦味。再看雜菌餃，皮就造得很透明了，同樣不黏不散。所以師傅是能造出透明皮的，只是視乎有沒有那個需要。同樣，餡料中的蔬菜極盡新鮮，是脆口的！木魚絲蘿蔔絲腸粉，口感很豐富，脆及滑，而味覺也很豐富。是必試的一絕。鮮竹卷與腐皮卷就像是一個產品的兩個形態，都做得很有水準，大前題是用的蔬菜很新鮮，都是脆爽彈口的！值得一提的，是傳點心意的鮮竹卷，中部是沒有凹陷的，即餡料填得滿滿的。很盡興的一次飲茶。取價很公道，吃了六款點心，才百元多一點。茶錢每位收六元，提供的像是玄米茶味道的茶，比很多點心店的都強。以傳點心意的位置、服務、岀品，我們絕對有信心，它會繼續存在好一陣子。好‼️

經同事介紹呢間點心舖，蝦餃大大隻，好鍾意一口一啖超滿足！😋仲有同出面唔一樣自家包既燒賣，又係勁足料🤤食完兩籠已經飽左😂😂😂值得一試再試！下次要試埋其他點心先！

呢間點心標榜即叫即做之前都有YouTuber介紹過放假就去左試食 箭豬奶皇包可以揀炸/蒸 炸左香口d不過炸完奶皇乾哂熟哂 始終流沙既先好食！賣相得意呃like就可以招牌炸蘿蔔絲木魚腸粉炸得幾好食不過腸粉偏厚唔夠滑 勝在配料夠香夠脆吮吮包係好似食緊大包小籠湯包咁，都ok既籠仔金翅肚蒸飯都可以既 不過不失 飯偏軟芒果沙律春卷同蝦餃正常同區都算多人食 外賣既仲有8折算幾抵食但唔洗專程食可能都算得意同叫特別d既點心啦但我去試食完係失望既

今天中午不太肚餓但都要食點野、就去呢間有我地必點的藥膳雞腳，一碗五隻，如可以比夠雙數啦，會開心點兩人食的話但都是好食的，藥材味十足，所以我地會問左有冇得食先入去。第二必食是木魚羅白絲腸粉、內裡的脆脆做得很好。有炸響聆感覺，都是食過番尋味。我地另外都點了蝦餃燒賣，呢位師傅真的不錯，做到皮簿效果不會黏實哂。最後我地見到隔離點馬拉羔 我地又想食、仲要好快上倒枱，我第一時間先食左佢、因為熱熱時食是最好味，真的很好吃😋又成為我們的飯堂了

我同老公間中都會幫襯點心店，土瓜灣呢頭都有好多點心店選擇！ 今次食呢間真心唔錯，值得推介！ 我地兩個人叫左4樣野食：木魚花蘿蔔絲腸粉，呢個好好味！ 好鬆脆，亦有好香蘿蔔味，食落又唔會覺得油膩！唔洗點豉油都得😋呢個係野菌腐皮卷，都係好夠味，但好香脆。惟一不足係佢炸燶左，影響左個味道。呢個係吮吮包，都幾特別，其實係大版小籠包，可以先用飲管吮左部份湯汁再食。味道同一般小籠包無異，都唔錯既！ 最鐘意係呢個！ 金蒜排骨飯，用荷葉包著，有陣陣荷葉香，配有炸蒜，d排骨好滑，d飯好香，加埋豉油好好味！大推！ 呢度既點心非常唔錯，價錢合理 ，可以有下次啊！

想跟家人嘆下茶共聚天倫，但又唔想去傳統酒樓食「悶悶地」既點心🥧。傳點心意或者係一個唔錯既選擇。雖然地方不大（大概只有十張枱），但環境跟坐位算舒適。由於坐位少，相比傳統酒樓環境不太嘈吵。我地二人叫了四款點心包括：百花釀魚肚，紅油抄手，鹹水角及木魚花蘿白絲腸粉🥟🍥🍨🍘🍧每款點心都是即叫即製，而上茶時間也比較快，保持了食物質素，為此加添不少分數... 先講講百花釀魚肚；厚切魚肚（大概有1cm-1.5cm) 配上墨魚膠；口感豐富；到傳統點心—鹹水角；沒有令人失望。熱騰騰的鹹水角一口咬下去煙un 的外殻，仲會有彈性，唔會炸太老，太死實。之後到... 木魚花蘿白絲腸粉：這個配搭出奇地match,, 腸粉包滿幼幼蘿白絲，一口一件，開胃極了。最後.. 紅油抄手，比起酒樓的點心，抄手配料比較多及大件。整體來說，食物質素不差；環境衛生；價錢合理；傳點心意不失為一個食點心既好地方。

屋企一向都有WEEKEND假期去飲茶既習慣，我自己本人本身都好鐘意去傳統酒樓，但係每逄假日都要等位等好耐，服務態度又參差，所以宜家都傾向去呢D小店食點心，品質好D價錢又唔差得遠～個餐牌上面既野食，我諗有8成都食過呢，食過返尋味好鐘意黎呢到食佢外賣既話全單8折，所以好抵食，夜晚口痕叫個外賣唔錯！燒賣每粒都好飽滿，個皮好薄吾粉，上面有少少蟹籽點綴。咬落去淡淡肉，蝦既鮮味好夠，蝦同肉既比例剛好，豬肉既肉汁同油分可以包褢隻蝦，令到咀嚼係種享受。因為次次黎多數叫蘿白木魚絲脆腸粉又或者黑松露腸粉，今次轉下口味叫叉燒腸。佢個賣相雖然一般般（可能係我影得唔好）但你都可以見到個皮又係好薄，清晰見到叉燒而且係足料，加埋佢個鼓油正啊。藥膳雞腳對於我呢D藥膳味追求者係必點既！佢個湯頭好濃，精華入曬雞腳到，而雞腳一咬就可以輕易既骨肉分離。鮮竹卷個湯都好好味，清清地唔會甘濟。佢入面包左紅蘿白、菇、棉花雞舊棉花（唔知正名係咩），一路食一路好多汁。呢到既荷葉籠仔蒸飯係最出名，蒸出黎荷葉香係食得出！佢用蒜蓉調味到成個飯有咸鮮風味，再落佢地個神奇鼓油令到成件事完滿左芝麻流沙包做到流沙效果，滿滿芝麻香充斥口腔，係個好好完結

相比附近酒樓既點心，呢度既點心質素較高，但價錢又唔算貴。幫襯左幾年，食過佢地好多點心，都冇試過中伏，最推介既係紫薯煎堆仔同蒜蓉海蝦飯。唯一缺點係間鋪細左d,lunch hour唔係成日都有位，想食就最好避開最繁忙既時間喇

位於土瓜灣，並非連鎖經營嘅點心小店，僅此一間。每次經過都想幫襯，但都會被林林總總嘅食店吸引，而放棄呢間貌似走fusion路線嘅點心店。剛剛星期六心血來潮就拉埋男朋友去試下，2個人叫左6樣野。好就好在蝦餃同燒賣可以2粒或4粒咁叫，令我可以一嚐唔同點心嘅味道。小店面積唔大，有10張枱左右點心紙蝦餃入面好多蝦，夠晒足料，皮亦夠滑，唔錯。燒賣入面除左豬肉，蝦佔嘅比例更高，食到啖啖蝦肉，又係足料之選。推薦!好似話係必食嘅木魚花蘿蔔絲腸粉，又真係幾值得一試! 名不虛傳! 木魚絲嘅香味，加埋滑溜嘅腸粉皮，入面包住炸香嘅蘿蔔絲同蘿蔔，再淋少少鼓油上面吊一吊味，入口層次豐富亦香口，估唔到呢個組盒咁夾。再黎店舖推薦話係必食嘅吮吮包。其實就係放大左嘅小籠包，內外都有湯，所以比條飲管你飲咁。但當然個小籠包做到咁大，個皮都唔能夠做得太薄所以都有d厚。而皮入面嘅豬肉都幾多，不過我個人都係比較鐘意傳統小籠包多d，同埋飲管飲湯，好易燙到舌頭，一定要等涼左先入到口，但總係冇左小籠包食落口前吮湯嘅爽快感。最後就係間中轉款式嘅包點，今期有煎豬包，可選擇蒸或炸。而我咁鐘意食香脆野就緊係揀左炸啦! 外表真係好吸引好可愛，夠晒心

初初搬黎土瓜灣已經發掘到呢間點心店幾有誠意又抵食👍🏻👍🏻尋日同朋友去食lunch叫左XO醬炒銀針粉, 兩粒蝦餃, 紫薯流沙煎堆, 百花魚肚同埋煎薄罉個XO醬炒銀針粉有D油, 唔太有XO醬味, 相對麻麻蝦餃D蝦幾爽口, 皮都唔厚, 佢可以有option揀叫2粒都唔錯😄紫薯流沙煎堆我以為係普通煎堆樣, 裡面流心紫薯餡, 但原來係紫薯外層, 裡面係流沙蛋黃, 不過呢個都幾有驚喜! 因為外面好脆, 同埋幾香紫薯味  👍🏻👍🏻👍🏻👏👏👏百花魚肚上面係蝦肉, 都幾好, 個汁唔會太稠, 味道亦唔會太咸, 食魚肚好怕有D油溢味, 好彩佢無👍煎薄罉份量幾多, 都脆, 唔算好油呢餐overall 都幾滿意 😁

叫左飯同點心，女員工不會先說明等多久，等了差不多20分鐘才可吃，催一次，女員工還態度囂張說:第1次食點心咩當然要等這麼久!完全不理會自己服務態度 幫襯還要受氣! 食物再好，員工這麼差勁 也不值得回頭。那個女員工是做埋收銀位的。

在土瓜灣工聯會俱樂部上堂前，黎到附近的傳點心意食dinner！入餐廳前有點餐紙望下。餐牌上無寫既「芝麻黑金剛」，有趣的名字，賣相好，係流沙芝麻包，味道濃郁，高度推薦！吸吮包就還好，湯水唔算多，記得小心燙口。酥皮鮑魚盞就係好特別的菜式，$30一人用，但口味其實唔算特別夾。如果再細啲可以一口食到就仲正～食個迷你籠仔飯先，$24性價比高，大概兩碗份量，都好好味，金蒜排骨夠入味！有湯飲！每10日的湯款都不同，呢個係茶樹菇燉瘦肉湯，$30一人份量，足料，好飲，入面啲湯料又食得，也是推介的！結論：推薦呢間小小的點心館，特別是芝麻包和湯水♥️

今天午飯時間來這裡吃點心，店子小小，座位比較狹窄，但尚可接受！要知道點心師傅的功力，先嚐嚐蝦餃，果然能做到皮薄餡靚，蝦肉爽脆這裡以賣點心為主，吮吮包即灌湯包，可以用飲管吸湯包內的湯汁，皮薄餡料足，又有特色其餘的點心水準也不錯，吃埋蒸飯就啱啱好了！這個箭豬包稍嫌油膩了點，下次點蒸包算了

今日約左朋友傾計，佢介紹尼間幾好食。咁我就話ok，食點心傾計都唔錯。去到唔洗等位就有位坐，都幾快。坐低無耐就有職員斟茶比我地飲，服務唔錯。黎左個咸魚肉餅荷葉飯，幾大個同好香添～蘿蔔絲腸粉（唔記得個名）尼個值得推薦，超級好味～咬落去外面腸粉薄皮外軟，內裡的蘿蔔絲香脆可口，整體好好食呀！！我好喜歡，就算最後好飽都要食晒佢～尼間店幾好，可以淨係叫2粒燒賣，咁就可以食多d唔同種類既野食，間野咁樣諗，真係唔錯。尼粒燒賣好好食，雖然賣相怪怪地，但食落去又幾好食，不錯。2隻蝦餃尼粒蝦餃大大粒，又好食～唔錯～個名叫吮吮包，佢地話類似小籠包，但係係大版本。黎到仲有支飲管比客吸住飲入面d湯汁之後再食裡面既肉，感覺幾有諗頭。賣相相當吸引，好特別～不過我試完後，還是覺得小小的小籠包好食d。因為就係大個得制，唔知點食，雖然話吸晒入面Ｄ湯汁先。。。但如果吸晒湯汁，淨番裡面Ｄ肉就咁食又唔見得好食～加上好熱。。。好難就咁啜。。。其實食落好唔方面。。。唔建議食尼個。。。。