The Hwaduk (已結業)

今日系铜锣湾接男朋友收工，就食佢钟意食既韩国鸡减下压啦。呢间系lee garden个度行入啲就到了。入面环境暗暗地，气氛唔错，几适合情侣黎约会倾计的。都系半open kitchen design，可以系大玻璃入面见到里面有个大焗炉，见到staff将啲鸡搬出搬入。其实鸡有好多味，有辣招，葱香，照烧汁等。。。我地拣左招牌烧鸡，希望可以试真啲鸡既味度。碟鸡上得最快，未食已经闻到好香既鸡味加少少香草味。餐厅亦有手套提供，好贴心。鸡肉好嫩滑，唔洗点汁都好食㖞！介绍番汁有chilli sauce, cream sauce, honey mustard。chilli sauce令鸡有泰国味，honey sauce又甜又酸好开胃，cream sauce系再甜d。侧边都有个铁筒摆鸡骨。第二样食物就系海鲜汤乌冬。呢个好扺食，里面应该有七八只青口同蚬，两只虾，金菇同好多菜，汤底好鲜甜，而乌冬系唔系平乌冬，好滑的。野饮嗌左荔枝烧酒，男友话酒味不浓，不过荔枝味好味，应该几啱女仔饮。同埋真系好大杯。另一杯系芒果冻茶，正正常常几清新。Overall系抵食！有少少食唔晒，嗌左鸡既话另一碟𩠌可以嗌少啲。