太興 (白加士街)

营业中

休息中

今晚两个人又去了伊园探病，探完都8点了，当然要食埋饭先返归啦。提议去翠华，遭否决，因位唔钟意佢贵不特止，啲位仲超逼唔好坐。于是就行到去白加士街的太兴吃晚饭，一来贪佢隔篱有亡命小巴，吃完饭可以坐小巴返屋企。 小茶套餐都好多款，一时间都几难下决定。不过经店员催促之下，都不作多想，选了红烩牛肉和通菜鲜鱿两个套餐，餐饮点了热奶茶。 上嘢都好快。 通菜鲜鱿菜的份量合格，鱿鱼就挣紧啲。鱿鱼食落几爽口。 红烩牛肉好有番茄味，啲牛肉炆得好腍，好入味。啲汁唔好嘥，用来捞饭食系几好的做法。 奶茶味道正常，没有惊喜。少少唔满意的是，上到来时，倒泻咗唔少。