1988 (已結業)

好彩我早几日book左枱,依间餐厅经常full Booking,上到去见到装修好简单但系好精美好靓。小食拼盘有2件春卷,虾饼同埋4件泰式鸡枣,小食已经好细心咁预先切到细细旧方便一啖食。木瓜沙律都几大碟,食极都仲有。木瓜爽脆配埋酸酸甜甜又微辣嘅酱汁非常开胃同清爽。泰式烧猪颈肉嘅酱汁调校得好好,同经过烧完后带有微脆但juicy嘅猪颈肉好夹,不过如果猪颈肉厚㘦返少少就更好啦,会更有口感。泰式炒饭里边有洋葱,番茄,芥兰同肉碎。味道较为清淡。食完一餐饭当然要用甜品作为结尾。依度嘅甜品真系非常之出色,柠檬挞嘅挞皮非常脆仲有牛油香,里面嘅柠檬酱亦非常之滑,甜度同酸度都非常之适中。再加上吾会太甜嘅蛋白脆饼简直就系完美。