鳳城1954 (MegaBox)

营业中

休息中

每次嚟嚫Megabox都系行宜家家私或者睇戏，平时去开都系食快餐多，今次我哋拣咗点心做午餐。咁有传统嘅名但里面格局都好新式，除咗窗口位嘅座位，感觉似餐厅多啲。价钱比一般酒楼贵少少，不过食物系唔错嘅。食完先喺门口见到呢个set，每人一个都抵。彩虹虾饺，除咗颜色特别，里面嘅馅都做得唔错。熔岩流沙包，个馅流沙得嚟有个厚度，唔会一搣开就漏晒出嚟。甘笋咸水角，呢个做得好好味，卖相又可爱。春风得意肠，摆盘几好，味道可以。风骚蛋散，每逢酒楼有必点。招牌凤城炒饭，虽然味觉上无特别，不过系炒得几好，粒粒分明又唔油腻。