大同私房菜會所

营业中

休息中

经朋友介绍下去了尖沙咀既大同私房菜，餐厅要以预约booking, 做传统和新式广东菜！包箱之余还有卡拉ok可供客人享用，环境优雅有格调。花旗参响螺炖水鸭，睇汤渣就知够足料，汤头无味精而且无乜油！饮起黎够简单直接，有响螺既鲜味之余还有鸭肉既香味，汤渣再配上辣椒豉油更有风味。芝士焗蟹盖带有微微既香辣感，反而更衬托出蟹肉配芝士既香味！满满既馅料迫爆蟹盖，可配上醋汁更为风味！啖啖蟹香非常滋味。左宗棠辣鸡味道比较浓香惹味，辣度都相当有风味，鸡丁啖啖肉唔干身，味道几吸引我既味蕾。蟹粉豆苗份量够多，蟹粉金黄，豆苗色泽够光泽！而且豆苗无渣，入口味道相当讨好，还带有阵阵既蟹香。红烧乳鸽只只都够大只，肉嫩够入味， 卤水汁相当出色，味道浓而不咸！还伴上脆脆既虾片，几大月层次口感。广州荔湾豉椒炒蟹相当有风味，唔系用炸蒜炒！所以味道更为香浓入味！蟹肉够新鲜，酱料香味融入其中，炒得够香够镬气。大同咖喱牛腩配荷叶饭，咖喱类都系餐厅既招牌菜式，味道香而不辣！牛腩够嫩够淋！再配荷叶饭，内里配料超多又丰富，还渗出阵阵鸡润香味。