巧饍坊(素食)

营业中

休息中

黄埔花园有好多美食，今日朋友想食斋，位于黄埔天地美食坊楼上嘅《巧饍坊》嘅厨师手势唔错。久不久食餐斋菜感觉几健康，无肉不欢嘅朋友都可以试下，有煎炸嘢，也有一些做得好似肉嘅𩠌菜款式。酸辣豆腐羹~酸酸辣辣，好醒胃，呢个都比较辣，小朋友未必啱。鲍参翅肚羹~味道唔错，素翅感觉都几似，丰富材料， 质地唔会太杰。荔芋酥鱼~即叫即炸好香口，芋头蓉好香滑，配甜酸酱特别美味。白肉腐皮卷~估唔到份量都几大，都可以够三至四人，腐皮卷馅料丰富，主要系菇类，芡汁甜甜地，送饭都唔错。黑松露榆耳秋葵炒淮山~材料丰富，炒得香口，有镬气。