一鳴丼食堂

营业中

休息中

大埔墟好多隐世小店，真系横街窄巷随时都有一间高质小店。呢排成日OT,有日又系八、九点先收工，就决定去大埔墟揾食，慰劳下自己。呢间一鸣丼食堂其实留意到佢好耐，门面超级有日本氛围，木门、门帘都好还原日本风情！入到去见到咁夜都仲有一台客，我就拿拿临拣嘢食唔好阻人收工个menu真系好有心思，全部都系手绘风嘅食物，以为自己去咗台湾文青cafe!因为好钟意食左口鱼，所以我都即刻决定咗叫一个四重火焰盛，再加一份三文鱼腩刺生，话咗要慰劳自己丫嘛！嘢食上台真系哇一声！图片与实物冇十成都有九成相符，就系咁浮夸！刺生真系好肥美，口感细腻鱼生丼俾料一啲都唔孤寒阿！有三文鱼、带子、左口鱼同埋芝士蟹柳，每种鱼起码都有3片以上！睇佢细细碗，但其实真系好足够。食到饱饱咁满足地离开。