真鮨 (已結業)

食得多尖咀连锁餐厅有d厌，于是呢日跟同事去左呢间近美丽华既日本餐厅食午饭。入到黎见到底层有个榻榻米，好有日本风感觉㖞。我地叫左个两个餐: 寿司同鳗鱼蛋包饭。只碟几靓，吾知系边买。味付螺肉9秒9就到。螺肉有咬口，吾un，自认细食既同事都话食完胃口大增㖞。蒸蛋有鸣门卷、香菇同鱼籽做配料。蛋好滑，有阵阵蛋香，配料特别系鱼籽提升左口感。面豉汤咸度刚好，仲有吾少豆腐同海带，一d都吾寡。话咁快鳗鱼蛋包饭黎度。大过块面既鳗鱼原条咁放系蛋包饭上面，卖相精致。蛋汁同咖哩好夹，味道平衡吾错。虽然咖哩汁份量多，但都无沉淋d饭，因为d蛋够浓密，隔住d咖哩汁。鳗鱼表面有焦香，嫩滑厚肉，两人分享好满足。过一阵，寿司都黎埋，有8大旧:三文鱼、八爪鱼、墨鱼、甜虾、北寄贝、海胆、玉子和三文鱼籽。三文鱼肥美，仲有几粒鱼籽系上面。甜虾好大只，而且鲜甜度十足。鱼生大大块咁𫗦上饭度。海胆系份量吾吝啬，一d腥味都无，味道甘甜，质感细腻，入口即溶，正。埋单每人一百蚊多d，以尖咀地段同食物质素来说，性比价颇高，值得一试。