農

营业中

休息中

好兄弟系科学园返工，话呢间都几多人食，我就带埋老公一齐去食Lunch。一入见到啲公仔包真系好靓好想食😍口水弹蛋，几辣几开胃，鹌鹑蛋系溏心，即刻加分👍牛油果虾春卷，热辣辣，够香脆，牛油果同虾味道好夹，几好味。避风塘软壳蟹，呢个超赞好香口，香港风味，少少辣，软壳蟹又唔会炸到好干，味道好好😋田园炒花青苗 (XO酱)，少少辣，花青苗好似一个迷你青瓜咁几得意、几爽脆。猫山王榴梿，其实系榴梿糕，不过切开每啖都有榴梿纤维🙂农仔荷叶饭，一上枱好香荷叶味，上菜好快，所以其他菜未食晒已经上咗荷叶饭，到我哋食嘅时候，荷叶饭已经唔热，味道系OK嘅，如果热啲应该会更好食。白桃乌龙茶、桂花乌龙茶，无加糖，清香甘甜，我就钟意白桃味多啲，男人们就觉得桂花味够清香，两个都几好饮。我哋仲叫左肉骨茶，中药味好浓，老公话好饮，用紫砂茶壶装住几别致，但一杯一啖要倒几十杯先饮晒😂以上已经好饱，食唔落公仔包，下次再试。