老點點心缽仔飯 (已結業)

之前向旺角食过番寻味，知道元朗开左分店，衬周末瞓饱近近地叹个一盅两件!店内以卡位为主，地方较狭窄，2:30咁晏都差唔多爆满，好在行快一步唔使排队咋!食物款式算多，仲有是日炖汤添!不过今日唔想饮汤，叫左黑芝麻豆浆，本以为系杯装，点知系600ml香港制造的大支装，一支都足够2个人饮lu!黑芝麻味重，低糖唔太甜岩晒我 炸馒头最快上，外面黄金，内里松软，可惜暖暖地，略赚唔够热!肠粉卖相唔错，豉油另上，钟意落多落少由我控制，好细心 软滑肠粉皮包住脆卜卜既向铃，大大粒虾肉同猪肉做馅，好香口 随后热辣辣蒸到出晒烟既点心上台，豉汁蒸凤爪既味道好浓，炆得好入味!百花酿鱼肚用蟹子铺面，虾胶嫩滑弹牙，配软绵绵既鱼肚，非常入味  汤汁中仲有滑溜溜既蛋白，营养丰富!小汉堡够精致，自家制既皮包住生菜同炸虾胶，同蜜糖芥末沙律酱好夹  虽然已经好饱，但系食甜品系有第2个胃架嘛 一排4款小甜点好可爱 由左数起，焦糖炖蛋，朱古力，石榴，香芒味小布甸，质感滑溜，炖蛋最好味!整体黎讲，食物卖相精致，用料丰富，保持一贯水准，期待将来有更多创意既点心