酒鍋 (天文臺道) (已結業)

今晚同旧同事gathering，见呢排天寒地冻，去打边炉就最啱啦！我地一行六人拣左去呢度暖暖胃～打边炉个汤底真系好重要。呢度既选择有好多，我地叫左醉生梦锅，有五种汤底：龙虾芝士、花胶鸡、肉骨茶、四川麻辣、沙嗲，实有一款岩心水！而个人比较钟意肉骨茶既味道，好有食紧药膳既感觉。食材质素都不错架，本地手切肥牛肉质软滑；手打芝心墨鱼丸虽然外表平平无奇，但当放进口中便知道与别不同；墨鱼丸口感弹牙，要小心有烫口既芝士馅！之后仲专登叫多个乌冬，可以用嚟捞芝士锅入面嘅芝士，烟韧既乌冬同香浓既芝士都真系几夹。另外，我地叫左期间限定既黄金炸鱼皮，上菜既时候已经闻到阵蛋黄香，食落口脆卜卜，一边等紧火锅既野食，一边食住佢等同fd吹水就最岩！最后，饮品都系d滋润下火既竹蔗茅根、柠檬薏米、洛神花茶等，不过用一个灯胆型嘅杯装住，几别致。整体来讲，质素环境服务都好好，但系价钱当然有番咁上下，不过一分钱一分货，所以推荐俾大家！