點‧粵 (已結業)

假日同屋企人饮茶，去咗将军澳点‧粤，点心即点即蒸，款式好特别，卖相精致。除咗铁观音、香片等传统茶叶，仲有得拣玫瑰荔枝茶(瑰荔堂煌)，认真唔错！🪄点粤生辉虾虾虾饺呢度点心即叫即蒸，虾饺饺皮烟韧唔会厚，包住满满弹牙虾肉，鲜味十足🪄羊肚菌烧卖皇后卖相特别，用上绿色烧卖皮，面头有一块羊肚菌，口感爽嫩，味道清香，烧卖食落口感十分弹牙🪄黑金流沙包外表型格嘅黑金流沙包，以竹炭粉制作外皮，再刷上金粉，馅料包住流沙奶黄，味道甜而不腻，记得要趁热食🪄点粤小三 拼盘共有三款点心，摆盘精美▶️美颜酪梨炸虾角虾角加入牛油果，食落有软绵口感▶️天鹅芋角芋角口感绵密，炸粉好薄身，外脆内软▶️带子凤眼饺有带子同虾系入面，好足料，味道鲜美🪄点点灌汤小笼包小笼包个皮都算薄，咬开好满满汤汁🪄点粤Q弹雪梨角 口感食落似咸水角，入面包住雪梨做馅料，味道清甜，几特别🪄滑嘟嘟牛肉肠粉肠粉皮薄嫩滑，牛肉馅料好多，入口软嫩且牛香四溢，口感丰富！