影片
更多
2023-12-14
2496 浏览
圣诞就快到，同妈妈一齐去左行outlet同apm买圣诞礼物，跟住过隔离鳄鱼恤中心饮茶。呢间星海•星海荟即使系闲日都几多人，好彩都有位。整个场地以婚宴为布置，就系呢个典雅又浪漫嘅氛围瞬间吸引左我地嘅注意。高贵嘅丝花装饰、华丽嘅水晶灯、成个场地长度嘅养鱼缸，彷佛置身于海洋馆中，比人一种高贵典雅嘅感觉，喺度摆酒相信会令新人倍感荣耀。喺门口等嘅时候见到唔同嘅菜单，有百日宴、冬至、甚至乎外卖盆菜都可以，岩晒呢个12月做冬/圣诞/公司annual dinner一连串嘅节日活动黎聚会食饭。除左一般常见嘅点心外，酒楼亦有好多唔同嘅新款点心，我地就叫左蟹粉小笼包、鲜虾带子凤眼饺、萝卜千丝天鹅酥、春风得意肠，斋听个名已经吸引。蟹粉小笼包：小笼包里面充满金黄色嘅汤汁，将柔软而薄薄嘅外皮打开，蟹粉嘅鲜香味随即四溢，十分香浓。当我地咬开嘅时候，满满嘅汤汁都喺嘴里爆开，幸好冇辣亲咀。山竹牛肉球：鲜嫩多汁嘅牛肉混入马蹄增加口感，搭配腐竹增添香气，加埋唿汁，最爱呢个味道。鲜虾带子凤眼饺：同平时食开嘅虾饺相比，呢个鲜虾带子虾饺除左卖相精美，口感亦更为出色。虾饺外皮烟韧，内馅更为饱满，虾肉嘅鲜甜口感充分展现出黎，鲜嫩多汁
喺门口等嘅时候见到唔同嘅菜单，有百日宴、冬至、甚至乎外卖盆菜都可以，岩晒呢个12月做冬/圣诞/公司annual dinner一连串嘅节日活动黎聚会食饭。
除左一般常见嘅点心外，酒楼亦有好多唔同嘅新款点心，我地就叫左蟹粉小笼包、鲜虾带子凤眼饺、萝卜千丝天鹅酥、春风得意肠，斋听个名已经吸引。
蟹粉小笼包：小笼包里面充满金黄色嘅汤汁，将柔软而薄薄嘅外皮打开，蟹粉嘅鲜香味随即四溢，十分香浓。当我地咬开嘅时候，满满嘅汤汁都喺嘴里爆开，幸好冇辣亲咀。
蟹粉小笼包
34 浏览
0 赞好
0 留言
山竹牛肉球：鲜嫩多汁嘅牛肉混入马蹄增加口感，搭配腐竹增添香气，加埋唿汁，最爱呢个味道。
山竹牛肉球
54 浏览
0 赞好
0 留言
鲜虾带子凤眼饺：同平时食开嘅虾饺相比，呢个鲜虾带子虾饺除左卖相精美，口感亦更为出色。虾饺外皮烟韧，内馅更为饱满，虾肉嘅鲜甜口感充分展现出黎，鲜嫩多汁，仲有加埋带子更增添鲜甜嘅味道。
鲜虾带子凤眼饺
36 浏览
0 赞好
0 留言
萝卜千丝天鹅酥：普通嘅炸萝卜丝经过厨师悉心制作后，变得更为名贵。用饼干制作成天鹅头，再用炸萝卜酥造身体，创意无限。味道亦非常出色，外层酥脆，内里柔软，萝卜香甜，令人印象深刻。
萝卜千丝天鹅酥
39 浏览
0 赞好
0 留言
蟹籽烧卖皇：烧卖皇采用蟹籽作为馅料，香气扑鼻，一咬落去，涨卜卜非常饱满，肉质弹口，调味恰当，能感受到烧卖鲜甜味道。
蟹籽烧卖皇
13 浏览
0 赞好
0 留言
药膳凤爪：妈妈试左啖汤，非常欣赏。药膳味道刚好，冇苦味亦唔会过重当归味。凤爪入口鲜嫩，浸泡喺药膳汤中，独特嘅香味同药膳滋补功效，妈妈连汤都饮埋。
药膳凤爪
16 浏览
0 赞好
0 留言
春风得意肠：喺肠粉入面包住炸虾肉馅，肠粉皮薄香滑，肉馅有虾、芫荽、蟹籽、粟米等，口感弹牙亦带点清爽，而炸虾亦炸到金黄酥脆；加上豉油，令炸虾肠粉味道刚好，实在系心机作品。
春风得意肠
24 浏览
0 赞好
0 留言
椰汁马豆糕：浓郁嘅椰香同奶味，甜度刚好，糕非常滑身同Q弹，而马豆虽然冇乜香味，但系软硬遇中，最后黎份香甜嘅糕点，凉浸浸食落冇咁济，美味可口，让人唇齿留香，系饮茶必叫甜品。
椰汁马豆糕
25 浏览
0 赞好
0 留言
总结黎讲，呢间酒楼嘅点心美味又精致，令人留下深刻印象。此外，服务态度也非常周到，欣赏招待嘅姐姐，勤快有礼。今日妈妈都食得非常开心，下次可以再黎。
张贴
