影片
更多
2015-10-17
322 浏览
放工有D事要出一出旺角，约朋友到附近，顺便食一食饭前甜品正所谓饭后甜品，以前，甜品好多时都系食完晚饭先食，但依家甜品店好多地方都会有，而且价位都有番咁上下！同普通食个晚餐有得挥！ 不过，依家既甜品，再唔系咩芝麻糊又或者芒果布甸之类既简单甜品，依家好多甜品店都系讲创意同精致，好多都好似艺术品咁！黑布街有几间甜品店，试过另外的，都觉得呢间整体上较好，贪呢度呢度环境唔错，服务好！呢度装修几特别，走型格路线，入到店有员工主动行黎招呼你，唔同有D店，员工好似唔欢迎你咁！下午茶时间，唔算多人，入到去拣好位，员工就主动递上清水，几细心！之前食过呢度既心太软都几特别，味道都唔错，但都要试下唔同既款式既，所以同朋友叫左两个甜品，落单后员工亦会提你，原来下午茶时段(3:00~6:00)，叫一个甜品，可以以可以半价配饮品一杯，其实见到都几多人会叫多杯饮品，所以我地叫左个士多啤梨花茶同朋友SHARE饮！等左几分钟，朋友叫既芒果班戟配雪糕一黎到，哗！都几大份！我分左朋友少少试下，上面淋左芒果酱，唔会太甜。班戟皮唔厚，入面好足料！而且入面仲有好似朱古力脆脆粒，口感都几得意！雪糕我就冇食到，朋友话几好食，而且雪糕底
正所谓饭后甜品，以前，甜品好多时都系食完晚饭先食，但依家甜品店好多地方都会有，而且价位都有番咁上下！同普通食个晚餐有得挥！ 不过，依家既甜品，再唔系咩芝麻糊又或者芒果布甸之类既简单甜品，依家好多甜品店都系讲创意同精致，好多都好似艺术品咁！
黑布街有几间甜品店，试过另外的，都觉得呢间整体上较好，贪呢度呢度环境唔错，服务好！呢度装修几特别，走型格路线，入到店有员工主动行黎招呼你，唔同有D店，员工好似唔欢迎你咁！
下午茶时间，唔算多人，入到去拣好位，员工就主动递上清水，几细心！之前食过呢度既心太软都几特别，味道都唔错，但都要试下唔同既款式既，所以同朋友叫左两个甜品，落单后员工亦会提你，原来下午茶时段(3:00~6:00)，叫一个甜品，可以以可以半价配饮品一杯，其实见到都几多人会叫多杯饮品，所以我地叫左个士多啤梨花茶同朋友SHARE饮！
等左几分钟，朋友叫既芒果班戟配雪糕
一黎到，哗！都几大份！我分左朋友少少试下，上面淋左芒果酱，唔会太甜。班戟皮唔厚，入面好足料！而且入面仲有好似朱古力脆脆粒，口感都几得意！雪糕我就冇食到，朋友话几好食，而且雪糕底会有饼底粒粒，好味！我个人觉得呢个甜品唔算太甜，几清新！等多一阵，我叫既甜品都黎埋喇！
叫左芒果窝夫配野莓乳酪雪糕，份量够哂大，我都分左D俾朋友上面有芒果粒，食落都OK，唔太甜。窝夫上到黎热辣辣，食落外层脆口，入面口感松软，加上附送既朱古力酱同枫糖浆，唔太甜，好好味！呢度一D都唔孤寒，见到两个酱都好多，唔使惊唔够！哈哈，呢个都算系细心嫁！野莓乳酪雪糕，味道清新，自问系嗜甜品之人，但唔钟意D甜品过甜或假甜，落好多糖，得个甜字！整出黎既甜品好食有限！呢度既甜品整体甜度岩岩好，唔会俾人觉得甜到漏既感觉！
同朋友一路倾一路食，倾下食下就食完，咁当然唔少得我地叫左既花茶啦！入黎果时送上既清水大排用场，食完甜品，饮啖水清一清，同朋友慢慢叹茶 不过挂住食甜品唔记得影壶茶，呢度既士多啤梨花茶系用茶包冲既，但味道都几清，有士多啤梨既香，清清地，几好饮！
希望下次再黎，可以试埋其他既甜品！
题外话/补充资料：
冷气偏冻
(以上食记乃用户个人意见 , 并不代表OpenRice之观点。)
张贴
