4口 (裝修中)

晚市套餐有主食、小菜、饮品/炖汤，姬松茸竹荪排骨汤非常足料，一打开个盖就闻到浓浓嘅菇香，每样汤料都有几旧，就算唔系跟餐都可以就咁叫汤嚟饮～小菜嘅选择都唔错，拣咗腊味鸡卷同埋白切羊肉，用鸡肉卷住腊肠几有心思，上面嘅酸辣酱仲好惹味🌶焖炒米粉嘅材料好丰富，有椰菜、冬菇、猪肉、虾、蚬、紫菜等等，感觉配料仲多过米粉！金汤佛跳墙嘅材料相对豪华，有齐海参、鲍鱼、花胶、瑶柱我地仲散叫咗几款菜式，有松子姜蓉菠菜、黑松露芦笋🥢土笋冻一开始都有少少犹豫试唔试，但系食落发现土笋嘅口感几爽，冇异味，可以挑战一下😆砂锅豆酱焗黄鱼🐟砂锅上嘅黄鱼热辣辣，鱼肉非常嫩滑，蒜头、红葱头等料头都爆到好香，唔错👍打卡仲有得送个桃胶布甸📷