반찬앤쿡 Banchan and Cook (屯門市廣場1期)

营业中

休息中

💖连锁韩国餐厅Banchan and Cook推出左个tasty treat套餐，计落CP值唔错，今日黎屯门分店试下～1️⃣尝吃套餐🍽️ $560💖包括自选两款主菜、一款小食、一款甜品同两杯饮品：🔸玫瑰酱芫茜大虾蛋包饭：玫瑰酱浓稠带花香同酸甜味，令炒饭口感更湿润，配上蔬菜粒食落爽脆。大虾弹牙、肉质饱满，仲有蘑菇、香滑鸡蛋同清新沙律菜，食落有饱足感但唔腻🔸肉酱牛胸肉蛋包饭：同样系嫩滑蛋配炒饭同沙律，再洒上香浓芝士碎。牛胸肉松软、肉汁多，配咸香肉酱口感丰富🔸炸鸡拼盘：自选三款口味，要左芝士、柑橘🍊同甜辣，仲有外焦脆内软糯嘅年糕。个人最钟意芝士味，裹满香浓芝士粉，仲有浓稠芝士酱。柑橘味酸甜清新，食落唔腻。甜辣经典口味，甜得黎又开胃。鸡肉嫩唔柴，外皮裹上酱汁都唔会软烂🔸小甘笋芝士蛋糕：卖相可爱，海绵🧽蛋糕体松软湿润，搭配芝士蛋糕嘅绵密口感。面头cream多得黎唔会太甜腻，底部系紧实嘅甘笋底🔸红豆鲜奶：入口顺滑，红豆甜得黎唔假，饮落舒服😌🔸焦糖芝士山咖啡：芝士香混合咖啡，面头仲有焦糖丝，配上咖啡同牛奶饮落咸甜又甘醇💖装修靓、环境舒服，屯门分店位置方便，平日晚市坐满晒人，好受欢迎👏🏻。