影片
更多
2019-07-10
1483 浏览
为家人庆祝生日🌟屋企人都系🤤为食之人知道喜来登酒店天宝阁退休👨🏻🍳总厨系时代广场新开咗间粤菜餐厅，于是即刻book位黎试下菜。..餐厅设计非常有气派同格调，一入门口先有一棵松树做装饰，用鲤鱼做墙身嘅设计图案，同餐枱摆设嘅金鱼龙虾图案，相得益彰。餐厅总共有三间大房，每间房都摆放左一张坐到大约10人嘅大枱。大厅亦都设有四人至六人枱有长方形或者系圆形枱。迎合唔同客人嘅需要。另外餐厅嘅灯光效果亦都值得一赞，唔会太光亦唔会太暗，气氛非常好。..餐厅以即烤乳猪、叉烧同鲨鱼花胶做主打，喺餐厅门口位置都会见到为师傅喺度即烤乳猪。.呢度嘅餐前小食非常有噱头，系极少见嘅空运到港新鲜杞子。味道有啲似蓝莓果肉，先大甜后有一点点回甘嘅味道。.⭐️ 水晶花胶冻 HKD98桂花啫喱带一点酸味同花胶果冻非常匹配。.⭐️芝士焗蟹盖 HKD78 非常浓郁嘅芝士味，蟹肉嘅份量都足够而且价钱算几平.⭐️无花果极品黑叉烧 $128 .呢款黑叉烧同平时食到嘅唔同，感觉似食紧五花腩，无花果叉烧酱同叉烧嘅味道好夹，香浓中带点甜。旁边仲有鱼子酱做伴碟，不过，黑叉烧嘅味道本身已经非常之浓郁，所以即使有鱼子酱相伴都食唔出鱼子酱嘅味道。.🌟 即
屋企人都系🤤为食之人
知道喜来登酒店
天宝阁退休👨🏻🍳总厨系时代广场新开咗间粤菜餐厅，于是即刻book位黎试下菜。
.
.
餐厅设计非常有气派同格调，一入门口先有一棵松树做装饰，用鲤鱼做墙身嘅设计图案，同餐枱摆设嘅金鱼龙虾图案，相得益彰。餐厅总共有三间大房，每间房都摆放左一张坐到大约10人嘅大枱。大厅亦都设有四人至六人枱有长方形或者系圆形枱。迎合唔同客人嘅需要。另外餐厅嘅灯光效果亦都值得一赞，唔会太光亦唔会太暗，气氛非常好。
.
.
餐厅以即烤乳猪、叉烧同鲨鱼花胶做主打，喺餐厅门口位置都会见到为师傅喺度即烤乳猪。
.
呢度嘅餐前小食非常有噱头，系极少见嘅空运到港新鲜杞子。味道有啲似蓝莓果肉，先大甜后有一点点回甘嘅味道。
.
⭐️ 水晶花胶冻 HKD98
桂花啫喱带一点酸味同花胶果冻非常匹配。
.
⭐️芝士焗蟹盖 HKD78
非常浓郁嘅芝士味，蟹肉嘅份量都足够
而且价钱算几平
.
⭐️无花果极品黑叉烧 $128
.
呢款黑叉烧同平时食到嘅唔同，感觉似食紧五花腩，无花果叉烧酱同叉烧嘅味道好夹，
香浓中带点甜。旁边仲有鱼子酱做伴碟，不过，黑叉烧嘅味道本身已经非常之浓郁，所以即使有鱼子酱相伴都食唔出鱼子酱嘅味道。
.
🌟 即烧无花果天下第一猪 例HKD168
.
系陈小麒师傅招牌菜同埋餐厅推介菜式👍🏻，当然要一试，乳猪皮烤得非常薄脆，乳猪嘅脂肪同肉嘅比例都刚刚好，再配合嘛无花果乳猪酱，无花果嘅甜味同乳猪酱配合得啱啱好！呢个配搭不愧为天下第一猪！
🌟🌟浓汤花胶佛跳墙 HKD188 每位
.
呢款炖汤嘅食材非常丰富，有鲍鱼花胶竹笙松茸等，味道浓郁。饮完之后令人热血沸腾，非常进补。
.
⭐️木藏牛 HKD188
.
呢款𩠌亦都系餐厅推介，原只木瓜藏起炆好嘅牛腩，再由侍应将木瓜切开。视觉效果满分💯。味道方面就系不过不失嘅炆牛腩，木瓜味同埋牛腩既味道感觉又唔系好相连。但卖相就非常给吸睛♥️
⭐️玫瑰烧焗银鳕鱼 HKD328
.
上菜嘅时候我哋全家人都忍唔住举起相机，要拍低呢一道好似艺术品一样美丽嘅𩠌菜♥️
银鳕鱼用咗半焗半炸嘅烹调方法，食落口除咗有鱼香味，仲有非常浓郁嘅玫瑰酒甜味。系非常香口嘅菜式！
⭐️鲍汁花胶捞饭 HKD168
🌟🌟总括嚟讲，食物嘅质素同价钱成正比，以呢个商场既中菜餐厅黎讲价钱合理。餐厅嘅布置同装修食物嘅摆盆都有非常高嘅分数。非常适合宴客请朋友食饭或者庆祝，相机食先，打卡满分。
.
不过服务员嘅服务质素就有待改善，当晚嘅人流唔算多，我哋点嘅𩠌菜款式亦较多，可惜中途都冇主动帮我地换碟，换茶壶加水嘅次数亦都很少。途中有一位亲友倒泻水，服务员只系攞走只水杯，但冇将枱面嘅水抹走，所以枱面一直都系湿同有水嘅。
.
咁靓嘅装修环境同食物，但服务质素就餐小小有点可惜。
张贴
