南小館 (已結業)

原本谂住去小南国，点知原来呢间系南小馆。怪唔得出边门口睇个装修咁新鲜，唔似一般中菜厅，似新派嘅韩国餐厅多啲。本来环境真系唔错，可惜遇到两个高谈阔论嘅师奶成餐不停讲讲讲破坏晒，两位亚太呢度始终唔系酒楼同街市，可唔可以顾及下周围既人。我哋叫咗小笼包，生煎包，金网生煎锅贴、醉鸡同炸春卷。小笼包同生煎包新鲜热辣，每一只都有好多汤系里面，好好味。金网生煎锅贴都好特别，未见过，煎得都好香口。醉鸡够嫩滑，不错。不过春卷就炸得真系麻麻嘞，油琳琳又冇乜馅，失望。包既系玄米茶。另外前菜同茶钱买单加埋两个人300。 总括嚟讲食物同环境嘅质素都唔差，不过员工嘅服务就一般嘞。成日都冇人理又冇人斟茶买单又慢。