Green Orange

今日同朋友去了Green Orange食lunch~星期日都有set lunch，价钱唔错的~有Starter (汤、餐包、沙律)、Main、餐饮。今日餐汤系南瓜汤，好浓，简直就似直接食紧个南瓜咁，不过就唔洗咬，加埋忌廉，好滑，南瓜控必试呀!餐包系蒜蓉包，蒜味足，热辣辣，建议大家一上就食呀!沙律都唔hea架，用咗好多新鲜蔬果，小萝卜、红菜头都有，蕃茄仔好甜，哩个沙律就真系食个新鲜，如果钟意食蔬果嘅朋友应该都会觉得正!嚟到main了~ 我哋拣咗蒜香烟肉什菌炒意粉同埋烟熏凤尾虾配椰香南瓜黄姜意大利饭。先讲意粉，好香蒜味，都好似每条意粉都占满蒜油蒜油咁，而且意粉弹牙，煮得啱啱好，唔会过淋，其实斋食意粉已经觉得好满足，好耐无食过咁高质嘅意粉。至于烟肉都炒到焦香，同蒜香好夹，加埋什菌又平衡返油腻嘅感觉，唔错呀。到意大利饭了，凤尾虾又系煮到啱啱好，唔会老，新鲜弹牙，同埋都大只呀。而饭就好juicy，粒粒米都俾南瓜椰汁包裹住，都系唔会过淋，食意大利饭最怕好似食粥咁，哩间唔会，湿润之余又保持到饭嘅口感。南瓜味依然系咁浓郁，反而黄姜味唔算太抢㖞，只系淡淡的，唔食黄姜都可以试下，毕竟黄姜对身体好好~ 感觉