Brass Spoon (已結業)

Brass Spoon嘅越南粉，港岛区相信都无人不晓，话哂都系上过米芝莲嘅食店。以同类菜比较，呢碗粉定价绝对唔平，但由早到晚人潮不断，精萃在于真材实料、用心制作嘅汤底。无添加味精，加入百斤牛骨长时间炖煮，汤底鲜甜，肉味香浓，清而不油腻。河粉充分吸收汤汁，粉条细滑，一嗦一吸，每一啖都尝到肉鲜。芽菜、香菜另上，等客人可以自由控制生熟程度。生熟牛肉各有千秋，前者油花较多，口感较滑；熟牛肉应该系近牛腩部位，肥瘦参半，肉质嫩中带油香。餐厅流动性高，无论攞位、上菜，都唔需要点等，正合香港人追求效率嘅生活模式。