千葉鳥

营业中

休息中

呢间嘢好耐未食过，对上𠮶次食都已经成年前了。 今日去探个朋友经过，紧系要再试下午餐啦。原来午市都好多人食，特别系学生比较多， 所以餐厅都有特别优惠比穿校服嘅学生。头盘叫咗个三文鱼刺身， 刺身够晒新鲜肥美， 鱼油超香，非常有口感。午餐我选了极上寿司盛合， 当中有八件寿司，三件卷物和一件蛋。 寿司整得非常精美， 每件寿司都有所不同， 可以样样都食下，满足下口感。午餐额外可以配多一个小食或者饮品， 我就拣咗蟹子沙律。 一人份量非常足够，用料十足。另外一个餐就叫咗鳗鱼定食， 鳗鱼都好大条， 烧到金黄色，62蚊嘅价钱非常抵食， 午市时段仲要冇加一， 真系要畀个like小食拣咗紫心薯薯饼， 薯饼送到上嚟还是热辣辣的， 香脆粉薄，紫薯带些少甜，非常美味。午市套餐分得好清晰， 有拉面套餐，咖哩套餐，寿司套餐，和食套餐等等， 选择非常多。 上次食嘅水准都好高，今次食水准依然保持得非常好， 值得推介。