凡高廚房

营业中

休息中

位于铜锣湾中心既凡高厨房原来已经开业15年，住左系到咁耐都冇试过。一出电梯就见到大量凡高风格既画作，我最钟意佢每一幅画作旁边都有一段文字介绍，好似真系去左凡高画展一样。精选午餐（意大利青口海鲜汁千层面$168，美国纯天然顶级西冷沙律配柚子酱沙律汁$168）：前菜沙律 – 唔系普通沙律黎，系巴马火腿黎，唔似出面既巴马火腿会好咸好柴，火腿咸度岩岩好，哈密瓜甜味足够，好有层次。餐包- 餐包有两款，上菜前有翻热过，软绵绵，热辣辣，表面既芝麻好香，增添风味，朋友加左牛油，热辣辣既表面，令到牛油有少少融化，好邪恶美国纯天然顶级西冷沙律配柚子酱沙律汁 – 西沙扒用左比较肥既部位，油脂味香但无乜油腻感，毕竟西冷本身就系偏瘦既部分，虽然肉烧得比较熟，但食落完全唔柴，好柔软，牛味浓郁，系上乘既用料，加埋清新既柚子汁沙律食落好舒服，大大力推荐。冻柠茶 – 一般茶餐厅冻柠茶，自己落糖浆，好岩我依啲唔钟意甜既人好钟意。