Lex Coffee (已結業)

同同事去咗坚尼地城揾食😋，嚟咗呢间糅合艺术品嘅精品咖啡馆🖼。 🦐大虾意粉 $158 🐙慢煮西班牙八爪鱼 $68 ☕️艺术打印咖啡 $88 🍌海盐朱古力香蕉冰雪世界 $68 🥧斯人若彩虹，遇见方知有 $98 🍮意式tiramisu $68 见大虾意粉几多人叫就叫咗，意粉旁有大虾六只，都几爽口弹牙，茄汁几入味。 个八爪鱼脆脆地几好味，仲可以放上去面包一齐食。 杯Artsy Print我拣咗朱古力🍫，打印面有几种图案可选，而我就拣咗村上隆嘅七彩太阳花🏵。另一杯有香蕉加埋朱古力，饮落口散发浓厚嘅香味。 个面包名称好有诗意，其实系朱古力榛子酱、士多啤梨、杏仁片、棉花糖、鲜花、薄荷片，食落口感好丰富，不过有啲难切，一切啲生果就走晒出嚟。 tiramisu有香浓嘅咖啡同酒味，好味，高质。 楼底超高好有空间感，坐住感觉都舒服啲，墙身亦有好多地方做展览摆放艺术品，喺寸金尺土嘅香港，要揾楼底咁高仲摆埋艺术品应该只此一家🥇。