糕點時光

营业中

休息中

北角有间隐世小店，由2021年创办，致力保留糕点文化，同时聘请金龄妇女，希望为佢哋提供就业机会。店内环境打造成舒适休闲空间，而食物方面行精致路线，除咗有多款怀旧糕点之外亦加入台式同港式风味嘅主食，贴近年轻人口味，务求满足客人医肚同打卡嘅需求。招牌菜为怀旧糕点九宫格拼盘，糕点款式会因应每日供应情况而更改。当日有流心芝麻卷、两款糯米糍、双薯流心西米糕、大菜糕、紫薯椰汁糕、黑芝麻糖、花生糖同叮叮糖。摆盆精美，细细一份，方便食用，全部低糖唔甜，老少咸宜，建议每人叫一盘，当下午茶食就啱晒。其他菜式则加入新派元素，仲好有造型感添，玩味剥皮橘子包卖相十足，搣开橘子皮就见到果肉，里面包住乳酪内馅，淡淡香气，玩得又食得、熊猫流心芝麻包自家制，咬落爆浆，热辣辣好味道、桂花酒酿丸子有独特嘅甜香同微微酸味、而双色水晶大菜糕带咬口，各有千秋。