影片
更多
2015-03-19
3343 浏览
友人都算喺甜品迷，一直话好想试HeSheEat，所以，专灯揾咗小弟茶聚吓之余，想向我讨教一下食甜品之道。哎呀，讨教就实在言重，叫比一般人多机会食得多啲甜品，又好有兴趣整吓咁，当喺大家彼此切磋吓啦 ！HeSheEat位处铜锣湾地带商场一角，个商场又好似九曲十三弯咁，揾咗阵兜兜吓先揾到 ，不过，个位置又几好，落地大玻璃，对住楼下大街。而店家装修偏向简约，水泥地，云石枱配木櫈，不过，有两组「马蹄位」就稍嫌挜拃 。之前已听友人介绍过，铜锣湾店唔单止卖甜品，连其他咸点、主食都有，如意粉、意大利饭、三文治、沙律、全日早午餐及小食都一一有提供，虽然每个类别款式唔多，不过，基本作为一份正餐已好足够 。由于今次跟友人嚟茶聚，所以，都只喺点个沙律，再尝尝甜品，一边呷着咖啡，一边聊天谈谈轶事。 带子青苹果沙律（SL02）$88 严格嚟讲，个沙律无正式名称，餐牌只列有成份：带子、青苹果、焦糖合桃、蜜糖芥末酱。沙律菜非常新鲜爽脆，四围加上青苹果薄片，酸香清爽，一切已拌上蜜糖芥末酱，简单味美 ；而焦糖合桃好香脆，富果仁香，加埋肉厚鲜甜嘅带子粒，值得俾高分嘅一道沙律 。 绿茶心太软（P02）$
HeSheEat位处铜锣湾地带商场一角，个商场又好似九曲十三弯咁，揾咗阵兜兜吓先揾到 ，不过，个位置又几好，落地大玻璃，对住楼下大街。而店家装修偏向简约，水泥地，云石枱配木櫈，不过，有两组「马蹄位」就稍嫌挜拃 。
之前已听友人介绍过，铜锣湾店唔单止卖甜品，连其他咸点、主食都有，如意粉、意大利饭、三文治、沙律、全日早午餐及小食都一一有提供，虽然每个类别款式唔多，不过，基本作为一份正餐已好足够 。
由于今次跟友人嚟茶聚，所以，都只喺点个沙律，再尝尝甜品，一边呷着咖啡，一边聊天谈谈轶事。
带子青苹果沙律（SL02）$88 严格嚟讲，个沙律无正式名称，餐牌只列有成份：带子、青苹果、焦糖合桃、蜜糖芥末酱。沙律菜非常新鲜爽脆，四围加上青苹果薄片，酸香清爽，一切已拌上蜜糖芥末酱，简单味美 ；而焦糖合桃好香脆，富果仁香，加埋肉厚鲜甜嘅带子粒，值得俾高分嘅一道沙律 。
带子青苹果沙律
$88
59 浏览
0 赞好
0 留言
抹茶迷嘅友人开宗明义，多多少少都为绿茶心太软而嚟，所以，成为是晚必试嘅甜品之一。从餐牌所见，已知道心太软会伴有开心果碎及豆腐雪糕，然而，最欣赏喺用上一只和风味重嘅瓷碟嚟衬番个绿茶心太软。心太软外观其实有点巌巉，顶位亦都有啲凹，流心算唔上澎湃，但都达至流心效果，而绿茶味无庸置疑好浓郁，外壳薄，带微脆 ；而豆腐雪糕，我觉得喺改咗云呢嗱，因为完全无豆腐味 ，不过，仍然软滑，至于底下嘅金宝粒及开心果仁碎，令整道甜品添几分唔同嘅口感。
绿茶心太软
$59
54 浏览
1 赞好
0 留言
樱花草莓奶冻（E03）$52 除草莓奶冻，内里仲有草莓酱、蛋白脆脆及草莓雪糕，一层又一层嘅组合，如「樱花」色泽。最底下嘅奶冻做得不俗，挺身而软滑，配合埋士多啤梨酱，入口更鲜活香甜 ；再一层「马令」蛋白脆脆及粗麦饼碎，增添层次感，味道亦再丰富咁，最上嘅士多啤梨雪糕球，酸酸甜甜正好中和一下马令嘅甜度 。
樱花草莓奶冻
$52
68 浏览
0 赞好
0 留言
鲜奶咖啡 $30 友人要咗杯抹茶鲜奶，感觉只喺中规中矩。小弟一向爱好鲜奶咖啡配甜品，拉花比较化，唔够清晰，但味道不俗，醇香幼滑！
鲜奶咖啡
$30
23 浏览
0 赞好
0 留言
张贴
