糖朝 (已結業)

上次圣诞节前后同朋友去食过山顶果间糖朝，佢一直话果度D粥好好食，想去食多次，咁近近地就同佢去尖沙咀分店喇，老字号嘅店好似间间都要等位，成日都咁多人排队嘅，环境都系同山顶果间差唔多唔，唔系好大。虾饺睇个样就唔错，皮薄馅靓，好大只鲜虾，好弹牙又新鲜，味道都算唔错，出品都算OK。油鸡同叉烧拼盘，个人觉得油鸡好食过叉烧，叉烧太干身，味道有D咸，油鸡好滑，肉质结实，又够入味，性价比几高。一品粥好足料，有鸡丝瘦肉，皮蛋同丸子，品种多，量又大，而且料好新鲜，粥煲得时间足够，米全部都煲烂，好绵滑，加上肉丝所以好清甜，好香滑。比较有惊艳嘅感觉，价格小贵，但你食完后就会觉得超值喇，因为真系好好味。