Candy Shake (已結業)

最近天气又焗又热，出一出街都热到想死，早2日去旺角行街，行一阵已经出哂汗，咁辛苦嘅天气，当然要饮啲冰冻饮品凉一凉。记得早前电视介绍过一间小店，向旧家乐商场附近，一于决定去试试先。店舖空间不算太大，有4张高枱供食客进食，而门口放有各式各样唔同口味嘅cheese tart , 而且店内就有唔同食物嘅display 供客人参考。店家自家独创糖果奶昔，当然一定要叫一杯试试，顺便凉快一下。特选金沙奶昔店员先将原粒金莎朱古力加鲜奶打混，之后再加入云尼拿雪糕打成冰冻奶昔，面头放上朱古力粒粒，还有店家名字「Candy Shake 」朱古力牌，好吸引啊先品尝一啖，有浓浓嘅金莎朱古力味，而且奶昔软滑，真系夏日消暑良品。日本蟹籽芝士手打墨鱼哥尔夫球一上枱好大球墨鱼球呀，店家贴心地将墨鱼球一分为四，方便进食，墨鱼球爽口弹牙，内里芝士爆浆而出，滋味十足又新鲜美味。好在品尝到一杯美味又冰冻嘅奶昔，可以舒缓一下闷热嘅天气。