糖水檔 (已結業)

由旺角慢慢行到黎佐敦...已经累到不得了...终于到了..望望门口,都应该开左好多年o既老舖,香港好少见d咁o既老舖了...而家多数街见到都系连锁o既糖水舖...本来我地想去隔离食亚苏介绍o既肠粉,点知真系星期日唔开架...咁我地就去lei度食多d野啦...当食晚饭...舖头名好易记好简单就咁叫"糖水档"...入到去好"up dup",一般港式食开o既糖水都有架喇,仲有粥食tim...我地叫左d小食...有炒米粉,猪肠粉,萝卜糕同煎饺子...糖水叫木瓜雪耳同渣咋...d小食...冇之前d comment讲到咁好食...炒米粉一d味都冇,唔觉得有炒过,一滴油都冇,似系烚左之后加d蛋碎,椰菜萝卜咁啫...猪肠粉好硬好实,萝卜糕只可以话系大件底食,冇料冇味...系煎饺子叫好食d啰....糖水呢..个木瓜雪耳有蛋花系度都系第一次见,不过就好清甜,有d蛋味,唔错...渣咋就好多豆不过就稀左d,芋头揾到一粒咋,仲要溶晒咁...麻麻啦...做街坊生意都ok o既,不过就唔需要特登揾黎食喇...