影片
更多
2022-06-25
388 浏览
2135到店，排第一张枱，但都等咗30分钟先坐底。咁星期五夜晚，都理解。自行写纸落单，叫咗：- 招牌椰皇炖蛋白 （$49）- 芋圆山 （$54）- 芒果捞冰 （$50）另外想叫多个两个口味嘅麻薯+小布甸 （$46+$8），但因张纸无呢个选项，得个「其他（$40/$35）」空格。咁我哋想另加钱加配料，就请店员帮手落，点知女职员话：「咁你自己写喺下面白色位置」。好，我写。写完，等咗20分钟，炖蛋白到。再过多几分钟，芋圆山到。因为估唔到个芋圆山系个细细个椰子入面，所以送到个阵，我哋问咗句：「呢个咩嚟？」，女职员话系：「1206」。 er…同朋友你眼望我眼，真系唔知成场有无人记得自己叫咗咩number。催咗几次后，终于系落单30分钟后啲嘢到齐。点知，黑字白纸写清楚都出错，麻薯嚟咗个单口味无加布甸，真系火都嚟。仲要个QQ鲜奶麻薯又唔q又淡。好在最迟到嘅芒果捞冰几足料，开心返啲。埋单前，因为上错嘢，所以我用门口张餐单简单计一计先。点知真系又有出入，呢个时候，女职员又话：「系阿，我哋更新咗价钱」估佢唔到，痴门口最显眼个张会唔同步更新☺️总结：炖蛋白较清，感觉健康，不过椰果太甜太抢，唔太夹。芋圆山，食得
但都等咗30分钟先坐底。
咁星期五夜晚，都理解。
自行写纸落单，叫咗：
- 招牌椰皇炖蛋白 （$49）
- 芋圆山 （$54）
- 芒果捞冰 （$50）
另外想叫多个两个口味嘅麻薯+小布甸 （$46+$8），但因张纸无呢个选项，得个「其他（$40/$35）」空格。咁我哋想另加钱加配料，就请店员帮手落，点知女职员话：「咁你自己写喺下面白色位置」。
好，我写。
写完，等咗20分钟，
炖蛋白到。
再过多几分钟，
芋圆山到。
因为估唔到个芋圆山系个细细个椰子入面，所以送到个阵，我哋问咗句：「呢个咩嚟？」，女职员话系：「1206」。 er…同朋友你眼望我眼，真系唔知成场有无人记得自己叫咗咩number。
催咗几次后，终于系落单30分钟后啲嘢到齐。
点知，黑字白纸写清楚都出错，
麻薯嚟咗个单口味无加布甸，真系火都嚟。仲要个QQ鲜奶麻薯又唔q又淡。
好在最迟到嘅芒果捞冰几足料，开心返啲。
埋单前，因为上错嘢，所以我用门口张餐单简单计一计先。点知真系又有出入，呢个时候，女职员又话：「系阿，我哋更新咗价钱」估佢唔到，痴门口最显眼个张会唔同步更新☺️
总结：
炖蛋白较清，感觉健康，不过椰果太甜太抢，唔太夹。
芋圆山，食得出啲芋圆系自家新鲜整，唔错。
鲜奶麻薯淡到不得之了，超差，完全唔推介。
芒果捞冰足料，4样嘢之中最出色。
甜品味道还可以，份量偏细份，
服务奇差，厨房一直忙出外卖，堂食一直等。
窄窄嘅走廊长期有三位伙记塞住，
俾钱出嚟嘅人、入嚟嘟安心嘅人，想入嚟叫外卖拎外卖嘅人塞埋一份，十级混乱。
唔知系咪因为无加一，所以无服务。
突然感觉上澳牛啲伙记好nice，完。
张贴
