北京老家 (已搬遷) 新店位置

女人爱靓就梗架啦，所以系OR 见人post啲环境相出嚟咁靓，就一于约朋友系度食生日饭。可惜今次见唔到金鱼，因为我哋坐嘅系普通木枱。 不过见佢门口摆住大大细细嘅装饰品，都几吸引。当晚由于我要开OT,所以迟到，影唔哂所有食过嘅嘢。朋友发板叫咗酱猪耳丝，香渣拌豆腐，炒刀削面，白菜水饺，大葱羊肉水饺，片皮鸭半只，糖醋排骨，酸溜冬瓜同拔丝士多啤利。羊肉水饺皮大厚，肉太少片皮鸭肉片得太厚，口味尚算可以，香味欠奉炒刀削面冇镬气，冇味，唔对板糖醋排骨口味可以，有酸有甜，转眼已被ko, 因为唔大碟呢！酸溜冬瓜份量同样太少，酸味太重，朋友们食唔惯呢万众期待嘅士多啤利，卖相不得了，照相系叫呢个甜品嘅重要环节。可惜，点解个士多啤利入面有啲系热嘅有啲系暖嘅，分数即时大减，重要系放耐一阵就出水，成碟嘢卖相分都减埋，即时唔想再食整体嚟讲呢餐可算系糖衣陷井，贪靓好奇嘅朋友可以一试，但真心想食餐好嘅就可有其他选择。