Takka Fusion Japanese Cuisine (已結業)

今年第 5 个船河，跟小慧姐去玩先。早年已经黎过 Takka 架喇，寿司、刺生同乌冬都好有水准，最出名系用粉红色米纸做寿司。以前都试过 order 豪华到会上船，真系好好食，但好贵㖞。上个月经过见到依家做埋早餐，见今日仲有时间，专登黎试试。仲以为有即食面添，原来系日式、西式、拉面同乌冬。真系好耐无黎，挂住美味原条活鱼刺生呢！钟意依度坐得舒服，唔会好似茶餐厅咁迫迫夹夹、嘈喧巴闭、跑上跑落。重有大把时间，我可以慢慢叹个早餐。幸运地唔洗等位，叹杯冻斋啡先。叉烧拉面走葱，少有地食个日式早餐先，专程过黎试一试。哗，有惊喜！个鲣鱼汤底调得不错，超级清甜又唔咸，清彻见底，质数极高，不腻不滞，汤底就系灵魂所在，利害﹗即食拉面也不俗，质感滑溜有咬口，虽然不是手打咽咽韧韧。叉烧略瘦，似港叉多过日叉，都算合格。粟米粒饱满甜美多汁，衬上拉面好味道。炒蛋照烧牛扒汤乌冬，又老又冻一笃炒蛋，又咸又冻照烧牛扒！预我会浸落碗热汤度翻热？鲣鱼汤乌冬，简单中带出美味可口，都唔错。炒蛋照烧鸡扒汤乌冬，鸡扒味道唔差，系咸左少少，可以接受。炒蛋半炒半焗，下半实净、上半嫩滑香甜。汤乌冬正，热辣辣滑溜咽韧。微暖厚多士，求其掉一小劈牛