影片
更多
2018-12-21
1203 浏览
有朋友有睇开小弟嘅食评，首先好多谢支持，其实都喺啲拙作而已，写嚟当喺人生「揾食」日志，实在见笑。佢哋话羡慕小弟不时食好嘢，查实亦不时食啲普通嘢无写啫，麦记、大家乐、大快活……等等快餐店一样会去帮衬，但食得多又真喺无咩特别嘢好写。既然喺咁，今次迤迤哋咪写番篇「南记」啰！「南记」确实喺几心水嘅粉面店之一，抵食夹大件，份量十足无欺场。小弟今次拣咗招牌辣猪肉春卷米线（$46），但走辣，一碗米线并已配有腐皮、芽菜、韭菜、酸菜等配料。虽然话喺猪肉，仲喺腩位，不过，「南记」嘅猪腩肉一向唔肥，顺纹薄切，理所当然入口唔会韧，而且，卤得入味；春卷以鱼肉做，咬口得嚟带少少爽弹，而且，唔会食到一口粉嘅来货货色；米线唔使多讲，份量多，口感滑，衬以多种配菜，好食。「南记」咩时间都旺，午饭时间更排长龙，除咗质素外，定价相宜，喺唔少人嘅粮尾救星呀！
「南记」确实喺几心水嘅粉面店之一，抵食夹大件，份量十足无欺场。小弟今次拣咗招牌辣猪肉春卷米线（$46），但走辣，一碗米线并已配有腐皮、芽菜、韭菜、酸菜等配料。
虽然话喺猪肉，仲喺腩位，不过，「南记」嘅猪腩肉一向唔肥，顺纹薄切，理所当然入口唔会韧，而且，卤得入味；春卷以鱼肉做，咬口得嚟带少少爽弹，而且，唔会食到一口粉嘅来货货色；米线唔使多讲，份量多，口感滑，衬以多种配菜，好食。
「南记」咩时间都旺，午饭时间更排长龙，除咗质素外，定价相宜，喺唔少人嘅粮尾救星呀！
张贴
