影片
更多
2018-06-16
3234 浏览
唔知大家睇苹果动𠮶果籽，有冇见过呢个蓝色嘅砵仔糕呢？小编睇完之后就真系超级有兴趣，所以一放sem break就即刻飞咗去试。由于端午节就尼到，所以同场加影试埋只糭。呢度嘅砵仔糕有分两种，一种系迷你砵仔糕，而另一种就系正常size既砵仔糕。但系如果系想试晒咁多种味嘅话小编建议可以比多少少钱买正常size既砵仔糕，因为迷你砵仔糕定价偏贵，相比之下买一个大嘅砵仔糕会比较抵。🍴四色迷你砵仔糕迷你砵仔糕细细旧可以一啖一个，不过砵仔糕既红豆就比较少。1️⃣蝶豆花砵仔糕尼到最出名既一定系尼个蓝色既蝶豆花砵仔糕。虽然系人都知蝶豆花系冇味，纯粹系得只色，但唔知点解砵仔糕入口又真系好似觉得味道比较清甜。口感方面砵仔糕就属于系比较爽口同带有少许烟韧。个人就觉得非常一般，真系纯粹讲gimmick。2️⃣金盏花砵仔糕金盏花口味嘅砵仔糕小编都系第一次听，砵仔糕只黄色都几黄下，都好适合打卡。不过小编今次买嘅呢个金盏花砵仔糕就唔够新鲜，成件砵仔糕都严重出水。而且唔多食得到有金盏花既味道，只系食得出有好重既粘米。至于砵仔糕个口感方面就比较黏口，个人就觉得好一般。3️⃣斑兰叶砵仔糕斑兰叶砵仔糕虽然都有少少出水，但口感就比金盏花砵仔糕
由于端午节就尼到，所以同场加影试埋只糭。
呢度嘅砵仔糕有分两种，一种系迷你砵仔糕，而另一种就系正常size既砵仔糕。但系如果系想试晒咁多种味嘅话小编建议可以比多少少钱买正常size既砵仔糕，因为迷你砵仔糕定价偏贵，相比之下买一个大嘅砵仔糕会比较抵。
四色砵仔糕
$22
136 浏览
4 赞好
0 留言
🍴四色迷你砵仔糕
迷你砵仔糕细细旧可以一啖一个，不过砵仔糕既红豆就比较少。
1️⃣蝶豆花砵仔糕
尼到最出名既一定系尼个蓝色既蝶豆花砵仔糕。虽然系人都知蝶豆花系冇味，纯粹系得只色，但唔知点解砵仔糕入口又真系好似觉得味道比较清甜。口感方面砵仔糕就属于系比较爽口同带有少许烟韧。个人就觉得非常一般，真系纯粹讲gimmick。
2️⃣金盏花砵仔糕
金盏花口味嘅砵仔糕小编都系第一次听，砵仔糕只黄色都几黄下，都好适合打卡。
不过小编今次买嘅呢个金盏花砵仔糕就唔够新鲜，成件砵仔糕都严重出水。而且唔多食得到有金盏花既味道，只系食得出有好重既粘米。至于砵仔糕个口感方面就比较黏口，个人就觉得好一般。
3️⃣斑兰叶砵仔糕
斑兰叶砵仔糕虽然都有少少出水，但口感就比金盏花砵仔糕好，虽然佢都有少少黏口，但个种黏口就系介乎于黏同爽既中间。另外砵仔糕入口都可以食到有轻微既斑兰味，而且亦都唔会太甜，相对会比较好食。
4️⃣黄糖砵仔糕
黄糖砵仔糕系传统既口味，所以亦都系做得比好。黄糖味香但唔会好甜。砵仔糕既口感亦比较烟韧同爽口，算系不过不失啦！
虽然佢哋呢度最出名嘅系卢兜糭，不过小编对卢兜糭嘅认识好少，所以就决定唔试住。今次就决定试吓一个甜糭一个咸糭先，分别就试咗个人比较有兴趣嘅健康糭同埋桂花红豆糭。
猪肉杂豆健康糭
$40
182 浏览
0 赞好
0 留言
🍴猪肉杂豆健康糭
呢个杂豆健康糭有分有猪肉版同冇猪肉版，不过个人觉得有猪肉好似冇咁单调，所以今次就买咗有猪肉嘅杂豆健康糭。
糯米饭上面有好香嘅糭叶味，糯米饭亦都够黏口。而个糭里面真系有好多唔同种类嘅豆，虽然佢系叫杂豆健康糭，但估唔到里面竟然都有蛋黄系到。D杂豆嘅软硬度适中，所以入口嘅时候口感亦都好丰富。而且呢只糭嘅糯米口感比较黏。另外喺只糭里面都仲有一旧猪肉，不过猪肉就比较肥，入口即溶，同个杂豆糭一齐食真系超级夹架！
豆沙桂花红豆糭
$36
167 浏览
0 赞好
0 留言
🍴豆沙桂花红豆糭
虽然系好多唔同嘅铺头都有推出豆沙糭，不过豆沙配合桂花红豆咁样一齐出就真系第一次见。印象中美心都好似有一个桂花豆沙糭，不过小编就冇试过。
桂花混入左系个糯米当中，所以糯米入口有好香嘅桂花味。而且系糯米当中夹杂着有少许嘅红豆，所以口感亦都算相当丰富。喺个糯米中间有个豆沙馅，豆沙味都尚算突出，不过就略为甜左少少。而且夹埋个桂花糯米一齐食的话，豆沙既味会盖过左桂花嘅香味。另外呢只糭有个问题就系𠮶啲糯米压得太实，所以桂花糯米入口会比较失色。
张贴
