神燈海鮮酒家 (18廣場)

营业中

休息中

聽身邊嘅人講咗好耐，終於真係嚟試吓「神燈海鮮酒家」。糯米炒膏蟹 - 勁多蟹膏😍令到啲糯米飯更加甘香，好好味！隻膏蟹都幾大隻，超級爆膏，其實呢個餸既主角係糯米，啲糯米飯吸收晒啲蟹嘅鮮味、香味，更加惹味👍🏻真係好正👍🏻南非鮑魚啫啫雞 - 啫啫雞好香好惹味，加咗鮑魚，令到呢個菜更加名貴。黑松露玻璃燒鵝 - 其實我係為咗呢一隻燒鵝而來，因為成隻燒鵝黑色，真係好想試吓佢咩料，如果燒鵝本身嘅黑松露味就唔係好犀利，只係淡淡的，隻燒鵝會跟咗兩碟醬料，一碟係黑松露嘅酸梅醬（應該係🤔）另外一碟就係燒鵝嘅油同鵝汁，所以如果件燒鵝沾咗碟鵝油同鵝汁之後就會更加Juicy，再沾埋另外果個黑松露酸梅醬，黑松露味就會增加更多，令到件燒鵝味道提升。即燒乳豬 - 熱辣辣，皮脆肉嫩。豉椒炒蟶子皇 - 豉椒味唔算濃，反而保留咗蟶子王嘅鮮甜。百花炸釀松葉蟹鉗 - 非常之大隻，真係俾佢嚇親，但係好可惜，調味方面唔夠出色，蝦膠唔夠彈牙，偏淋。