允升甜品

营业中

休息中

其实好多年冇食过允升啲糯米糍，但系因为向海𠮶间长洲平记难食咗，态度又差咗，所以就买个试一试，睇吓系咪仲keep到以前个水准。结果冇令我失望，芒果甜得嚟又多汁，皮又够薄。15蚊嚟讲我收货。下次有机会会试吓佢啲中式糖水🤤🤤🤤至于服务态度方面，我个人觉得还算可以。我今日前后去过两次，第一次去𠮶时系晏昼，所以成间舖都好多人。我买一个糯米糍拎走都好似系猪肉荣度买猪肉咁，要争住嗌要几多粒糯米糍、要咩。姐姐嘅态度冇特别差，又冇特别好，正常啰。但系第二次去嘅时候系夜晚，舖头明显少咗好多人。𠮶阵时姐姐就会多啲时间理到你，我俾完钱又会同我讲拜拜，咁样睇落其实服务态度方面都尚算可以。