蛋撻王 (砵蘭街)

营业中

休息中

蛋挞王做facial经过，见到间铺个名咁把炮叫蛋挞王，想试下佢系咪劲得过我之前中学对开个间无得输既面包铺卖既蛋挞既地位。第一次黎买，唔知呢到蛋挞有咁多种类，埋counter同个姐姐讲要三个蛋挞，个姐姐凶我话：「要边只啊？」唔知有咩味，心谂讲原味实无死，我就答：「原味。」点知又比姐姐凶多次：「即系边只啊！」佢指左个牌比我睇，原来有牛油皮酥皮仲有好多其他蛋挞，系无原味呢样野。anyways惊比人再凶，即刻叫左三个酥皮蛋挞，之后就急急脚咁走。佢铺头出面话，只酥皮蛋挞有成300几层。番到屋企叮番热黎食，酥皮真心松化，系好食既，蛋心唔算好甜，我个人口味钟意再甜少少。真心系唔错，有被佢个酥皮惊艳到。下次挑战佢个牛油皮先。