六両三.台灣食堂

营业中

休息中

心血来潮想食台式火锅，见到apm隔离有，咁方便就冲咗去食🤪🤪上到去已经见到装修好台味，木嘅设计，环境好舒服。我哋拣咗梳化位，好有风味。今次嗌咗2个火锅，汤底分别系药膳辣同埋沙茶。个沙茶好香！渌嘢之前一定要啖返两啖，好香好惹味。个梅肉好大块，每块嘅脂肪都算平均分布。除咗猪肉之外，仲加咗钱要个靓牛，有牛嘅味，渌完唔会好韧，仲冇乜肥肉，超正。小食就拣咗牛展头同埋地瓜条。钟意食辣嘅人可以叫牛展头，我食完都出晒汗。地瓜条炸起好脆，配埋椒盐，好食过豪XX，而且份量都好多。套餐有雪糕送，系曲奇味。最后就拣系配返杯古早味奶茶。店入面有自助吧，调味料可以自行去调教。